Անհապաղ դադարեցրեք բանակցությունները. Արցախի ԱԺ-ն դիմեց Վաշինգտոնում գտնվող Արարատ Միրզոյանին (տեսանյութ)
Արցախի ԱԺ-ն այսօր՝ հունիսի 28-ի իր հերթական նիստում ի թիվս օրակարգում ընդգրկված այլ հարցերի, քննարկում է ԱԺ հայտարարության նախագիծը, որը վերաբերում է հրադադարի խախտումներին:
Մինչ այդ, ԱԺ նախագահ Արթուր Թովմասյանը հանդես եկավ հայտարարությամբ՝ նշելով.
«Ադրբեջանի ԶՈւ-ն հերթական անգամ կոպտորեն խախտելով 2020 թվականի նոյեմբերի 9-ի եռակողմ հայտարարությունը, հաստատված հրադադարի ռեժիմը, հունիսի 28-ին՝ ժամը 01։30-ից տարբեր տեսակի զինատեսակներից կրակ են բացել Արցախի Հանրապետության տարածքների ուղղությամբ, որի հետևանքով զոհվել է մեր 4 հայրենակից։ Արցախի Հանրապետության քաղաքացիների հերթական սպանությունը վկայում է, որ Ադրբեջանի Հանրապետությունը անտեսում է միջազգային հեղինակավոր կառույցների կոչերն ու որոշումները։ Նա ցեղասպանական գործողություններով ձգտում է ռազմական, քաղաքական, տնտեսական գործողությունների կիրառմամբ հասնել իր հիմնական նպատակին»։ Այս մասին քիչ առաջ ներկայացնելով Արցախի Ազգային ժողովի հայտարարության նախագիծը՝ ասաց ԱՀ ԱԺ նախագահ Արթուր Թովմասյանը։
«Իսկ հիմնական նպատակն Արցախի վերջնական հայաթափումն է։ Ուշագրավ ու հատկանշական է, որ Ադրբեջանի կողմից հրադադարի ռեժիմի պարբերաբար իրականացվող խախտումների այս նոր միջադեպը նախորդ դեպքերի նման նույնպես արձանագրվել է այն ժամանակ, երբ ներկայումս ԱՄՆ պետական քարտուղարի միջնորդությամբ, Վաշինգտոնում տեղի են ունենում Հայաստանի ու Ադրբեջանի արտգործնախարարների բանակցությունները։
Սա անշուշտ վկայում է, որ խաղաղության պայմանագրի շուրջ տեղի ունեցող այս բանակցությունները նույնպես իրականում ոչ այլ ինչ են, քան տարածաշրջանում տևական խաղաղության ու կայունության հաստատման մթնոլորտի նմանակում։
Արցախի Հանրապետության ժողովրդի անունից դիմում ենք ՄԱԿ-ի Անվտանգության խորհդրին, Մինսկի խմբի համանախագահ երկրների ղեկավարներին, խորհուրդներից, կարեկցանքից զատ, ձեռնարկեք կոնկրետ գործուն քայլեր։ Մասնավորապես, պատժամիջոցներ կիրառեք Ադրբեջանի նկատմամբ։ Դիմում ենք Ռուսաստանի Դաշնությանը, որ խաղաղապահ առաքելության շրջանակում առավել կոշտ միջոցներով կասեցնեն Ադրբեջանի հակամարդկային գործողությունները։ Վաշինգտոնյան բանակցություններում հայաստանյան պատվիրակությանը դիմելով՝ ասում ենք, որ դադարեցնեն բանակցությունները, մինչև Արցախի հետ շփման գծում ու Հայաստանի սահմաններում լիակատար հրադադար չլինի։ Բանակցությունների շարունակումը կնշանակի Ադրբեջանի պահվածքի խրախուսում»,- հավելեց նա։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
