«Վիշլի իզ մաշինի». փաստաբանը տեսանյութ է հրապարակել, թե ինչպես է պարեկը քաշելով մեքենայից դուրս բերում ռուս կին վարորդին

Փաստաբան Վարազդատ Հարությունյանը, որ ահազանգել էր վարորդ ռուս կնոջ նկատմամբ պարեկները բիրտ ուժ են կիրառել, տեսանյութ է հրապարակել, որտեղ երևում է կինը երթևեկումէ ամրագոտին ամրացրած.

«Երեկվա դեպքով հաջողվել է վերականգնել քաղաքացու վիդեոռեգիստրատորի ձայնագրությունը:

Նրան կանգնեցրել են ՈւՇԱԴՐՈւԹՅՈւՆ` ամրակապված չլինելու պատրվակով:
Նախ հրապարակում եմ առաջին կտորը:

Առանց մեկնաբանության....»։

 Ավելի ուշ փաստաբանը հրապարակել է տեսանյութի շարունակությունը.

«Երկրորդ կտորի ժամանակը եկավ:

Այսպես, տեսագրությունից պարզ է դառնում, ոու անձը խնդրում է հնարավորություն տալ ցուցադրել իր վիդեոռեգիստրատորի ձայնագրությունը, որից երևում է, որինքը մեքենան վարել է ամրակապված:

Քաղաքացին նաև խնդրում է պարզաբանել իր իրավունքները և ապացույց, որ իբր ինքն ամրակապված չի եղել:

Ռուսերեն լեզվին գրեթե չտիրապետող պարեկը չկարողանալով քաղաքացու նորմալ, ադեկվատ և իրավական հարցերի պատասխանները, հունից դուրս է գալիս ու մնացածը դիտեք ինքներդ:

Հ.Գ. նման չոբանությունը արդարացնողներին, հատկապես` տղամարդ, ցանկանում եմ, որ իրենց կնոջ, քրոջ, մոր կամ աղջկա նկատմամբ այսպիսի վերաբերմունքի ականատես լինեն ու մնան նույն դիրքորոշմանը»։