Ֆեյսբուքի լայքի նշան, մի շիշ քաշած արաղ, բանան, «Տանք, որ ապրենք» գրառում․ Մամիջանյանը ծաղրեց Փաշինյանի երազած զինանշանը

Մեր զինանշանն իր մեջ պարունակում է այն ամենը, ինչով մենք հպարտանում ենք. մեր կրոնը, մեր պատմությունը, մեր պայքարելու և հաղթելու ունակությունները։ Այս մասին այսօր ԱԺ ճեպազրույցների ժամանակ ասաց «Պատիվ ունեմ» խմբակցության ղեկավար Հայկ Մամիջանյանը։

Վերջինս ցանկանում էր հասկանալ, թե ինչ պիտի լինի Փաշինյանի երազած զինանշանի վրա։ 

«Երևի Ֆեյսբուքի լայքի նշանը, մի շիշ քաշած արաղ, կարող է իմ՝ կառավարության մոտ տարած դեղահաբն էլ դնի, մեծ տառերով վերևը գրի «կապիտուլյանտ», տակը գրի՝ «տանք, որ ապրենք», իրենց իշխանության սիմվոլ բանանը»,- նշեց Մամիջանյանը և կոչ արեց իշխանություններին գրի առնել իր մտքերը։

«Հաջորդը երևի Հայ առաքելական եկեղեցուն հարցնելու է, թե ինչու խաչ կա, ինչու ենք խաչ օգտագործում։ Չալոյին դիր քո գերբի վրա, եթե Հայաստանում առյուծ չկա»,- նշեց Մամիջանյանը։