Ովքեր համարում են, որ Աշոտյանին հնարավոր է նման տարբերակով ճնշել կամ լռեցնել, պարզապես հիմար են. Մամիջանյան
Այս պահին ընթանում է քննչական գործողություն Արմեն Աշոտյանի հետ կապված, ուստի ո՛չ քննիչի, ո՛չ պարոն Աշոտյանի հետ խոսել չկարողացա: Քննչական գործողության ավարտից հետո կհանդիպեմ կա՛մ փաստաբանի, կա՛մ պարոն Աշոտյանի, կա՛մ քննիչի հետ, մանրամասերը կունենանք: Այս մասին քիչ առաջ Քննչական կոմիտեի դիմաց ասաց ԱԺ «Պատիվ ունեմ» խմբակցության ղեկավար Հայկ Մամիջանյանը՝ անդրադառնալով ՀՀԿ փոխնախագահ Արմեն Աշոտանի ձերբակալմանը:
«Ըստ պաշտոնական տեղեկատվության՝ խոսքը խափանման միջոցի խախտման մասին է, ինչն ինքնին աբսուրդ է, որովհետև պարոն Աշոտյանը չի լքել Հայաստանի Հանրապետությունը, նման փորձեր չի իրականացրել: Ավելին՝ իշխանությունները բազմիցս խոչընդոտել են պարոն Աշոտյանի քաղաքական գործունեությունը և Լեռնային Ղարաբաղի հակամարտության հետ կապված՝ կարևորագույն հանդիպումներին մասնակցությունը, որովհետև դա իրենց չի հետաքրքրում, իրենց հետաքրքրում է ընդդիմախոսների նկատմամբ նման ձևով ճնշումներ իրականացնելը: Այն մարդիկ, ովքեր համարում են, որ Աշոտյանին հնարավոր է նման տարբերակով ճնշել կամ լռեցնել, պարզապես հիմար են կամ մնացածին չափում են իրենց արշինով: Պարոն Աշոտյանին լռեցնել, վախեցնել հնարավոր չէ»,- ասաց Մամիջանյանը:
Լրագրողների հարցին, թե ինչի համար է հենց հիմա տեղի ունենում Արմեն Աշոտյանի ձերբակալությունը, հնարավո՞ր է, որ իշխանությունները գաղտնի գործարքի եմ գնում և նոր օրակարգ ստեղծելու կարիք կա, Մամիջանյանը պատասխանեց. «Գործարքները արդեն գաղտնի չեն, ակնհայտ են: Հայկական, այսպես կոչված, իշխանությունները, կառավարիչները պաշտպանում են Ադրբեջանի շահը, այստեղ որևէ գաղտնի բան չկա: Թե ինչու հենց այսօր իրականացվեց, ես կարող են շատ տարբերակներ ասել. այս պահին լարված է, և կրակում են ՀՀ սահմանններին, չի բացառվում, որ դրանից ուշադրություն շեղելու համար, չի բացառվում, որ այլ գաղտնի գործարքի են թուրքերի կամ ադրբեջանցիների հետ, բայց մարդիկ, որոնք 2020թ. հոկտեմբերին ունակ էին Արցախում գտնվող ՀՀ երրորդ նախագահի նկատմամբ այստեղ այդ օրին շինծու քրեական գործ հարուցել, պատրաստ են ամեն ինչի: Սա հերթական փորձն է ուշադրությունը շեղելու ընթացիկ իրավիճակից», եզրափակեց նա:
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
Հորդորում եմ խմելու և կենցաղային նպատակներով օգտագործել միայն համայնքի տրամադրած կամ շշալցված ջուրը․...
Երևան հասնելու համար պետք է տրանսպորտի համար վճարեն 2 անգամ. ինչ է սպասվում մարզերի բնակիչներին
