Տղամարդ էիք՝ այն ժամանակ այդ մտքերն արտահայտեիք. Վազգեն Սարգսյանի ստվերից մեկը թրջել էր նույնիսկ. Վարդանյանը՝ իշխանություններին

Ինձ ասացին, որ ԱԺ-ում երեկ հարցուպատասխանի ժամանակ նաև հարց է հնչել իմ համեստ անձի վերաբերյալ, և ինչ-որ արձագանք է եղել այդ մարդու կողմից: Առաջինը, որ ուզում եմ արձանագրել, թերևս վտանգի ու վախի զգացում ունեն, որը փորձել են փարատել: Երկրորդը, որ սովորական ՔՊ-ական վարքագիծ է, «գործ տալու» վերաբերյալ: Այս մասին ԱԺ-ում լրագրողների հետ զրույցի ժամանակ ասաց ԱԺ «Հայաստան» խմբակցության պատգամավոր Աղվան Վարդանյանը` արձագանքելով Փաշինյանի՝ 100 մահապարտների վերաբերյալ հայտարարությանը, առ այն, որ դրանք պատերազմի դասալիքների ջոկատներ են:

Վարդանյանի համար հետաքրքիրն այն է, որ ինքը երբեք «գործ տվողի» բնավորություն չի ունեցել, այլապես շատ բաներ այլ կերպ կլինեին: 

«Ես իմ հարցազրույցում բառացի ասել եմ՝ տեր եմ այդ ամենին և երաշխավորում եմ, որ այդ մարդկանց անունների մեջ որևէ ՔՊ-ականի անուն չի լինելու: Այսինքն՝ դասալիքներ չեն լինելու»,- ասաց Վարդանյանը:

Նրա խոսքով՝ տվյալ անձանց մոտ անհանգստություն կա, և դա լավ է: Եվ գուցե կգա ժամանակ, որ շատ ավելին կբացահայտվի Հոկտեմբերի 27-ի հետ կապված: 

«Նրանք ամեն անգամ որպես օրինակ բերում են Հոկտեմբերի 27-ն ու Մարտի 1-ը, սակայն անհիմն ու 0 հիմնավորմամբ: Կան պատգամավորներ, որոնք ասում էին, որ եղել է պետական հեղաշրջում՝ 1998թ.-: Ես իրենց ասել եմ՝ 22 տարի հետո համարձակություն ձեռք բերելը տղամարդկության նշան չէ: Տղա էինք, տղամարդ էիք, այն ժամանակ այդ մտքերն արտահայտեիք: Կուչ եկած, վախեցած... Միայն Վազգեն Սարգսյանի ստվերից մեկը թրջել էր...Հիմա այսքան տարի հետո այդ մարդկանց նման մտքերն ու ագրեսիվությունը խոսում  է իրենց ողորմելիության, խեղճության, ոչ տղամարդկային վարքագծի մասին»,- նշեց Վարդանյանը: