ՄԻՊ-ի անունը չի գաղտնազերծվում. հաջորդ պաշտպանը կամք է ունենալու. (տեսանյութ)

ԱԺ-ում քննարկվում է Մարդու իրավունքների պաշտպանի պաշտոնում թեկնածու առաջադրելու կարգի քննարկումը:

Newspress.am-ի հետ զրույցում նախագծի հիմնական զեկուցող ԱԺ պետաիրավական հարցերի մշտական հանձնաժողովի նախագահ Հովհաննես Սահակյանը, ասաց, որ թեկնածուների անուններ այս պահին չի կարող տալ: Ինչ վերաբերում է ՀՀԿ թեկնածուին, ապա Սահակյանը վստահեցրեց, որ ՀՀԿ-ն կունենա մեկ միասնական թեկնածու:

«ՄԻՊ կարող է դառնալ լավ մարդը, ով ունի հեղինակություն և կամք, որպեսզի կարողանա օրենքով իրեն տրված հնարավորություններն օգտագործել երկրի զարգացման համար»,-մանրամասնեց պատգամավորը:

Հարցին, թե հրավիրել են Կարեն Անդրեասյանին խորհրդարան՝ հրաժարականի պահանջները ճշգրտելու համար, վերջինս պատասխանեց, որ Անդրեասյանին խորհրդարան հրավիրել չեն կարող, երկու անգամ հրաժարականի դիմում է ներկայացրել:

«Ո՛չ ԱԺ-ի կանոնակարգ օրենքը, ո՛չ Սահմանադրությունը, ո՛չ էլ մարդու իրավունքների պաշտպանի մասին օրենքը նման հնարավորություն չի տալիս»,- մանրամասնեց նա:

Հովհաննես Սահակյանը նաև ասաց, որ չի կարծում Կարեն Անդրեասյանի վրա ճնշում է գործադրվել:

Մանրամասները՝ տեսանյութում