Նիկոլը գնաց Թուրքիա ասելու՝ էլ ի՞նչ անեմ հայերին․ նա համբուրեց Ալիևի աջը, որ փրկվի, բայց դավաճաններին ոչ ոք չի ներում․ հայագետ

Նիկոլ Փաշինյանն իր տեսակով հայերին է ստորացնում ու ցույց տալիս, որ բոլոր հայերն իր նման են։ Այս մասին ասուլիսի ժամանակ ասաց «Արևմտահայոց հարցերի ուսումնասիրության կենտրոնի» տնօրեն, հայագետ Հայկազուն Ալվրցյանը՝ անդրադառնալով Փաշինյանի` Թուրքիա կատարած այցին։

«Ալիևն իր մասին համայն աշխարհին հայտարարել է, թե հարբած ծաղրածու է, իսկ նա անամոթի նման վեր է կենում ու գնում Թուրքիա, մինչև ականջները բերանը բաց ժպտում իր ազգի թշնամիներին։ Ես, որպես հայ, ոչ թե Նիկոլի, այլ իմ ու իմ հայ ազգի համար եմ ամաչում։ Նա մեր երկիրն է ներկայացնում ու հայի կերպար ներկայացնում աշխարհին»,-ասաց հայագետը։

Նա նկատեց, որ որքան ժողովուրդը հանդուրժի այդ ամենը, այնքան վատ է լինելու։

«Տեսա՞ք Ֆրանսիայում թոշակի տարիքը 2 տարով բարձրացնելու համար ինչ արեցին երիտասարդները, որովհետև իրենց ապագայի մասին են մտածում։ Իսկ ի՞նչ են անում այստեղ՝ ոչինչ։ Ի՞նչ են մտածում՝ չգիտեմ»,- նշեց Հայկազուն Ալվրցյանը

Նա նշեց, որ քարտեզի խաղը դիտմամբ են խաղում։ Ըստ հայագետի՝ բոլորն էլ գիտեն, որ մինչև Սովետական միության կազմ մտնելն անկլավներ չուներ ու Արցախն էլ մոտ էր տարածքին։

«Այդ ինչպե՞ս պատահեց, որ երբ Խորհրդային միության կազմից դուրս եկանք, այդքան հսկայական հեռավորություն եղավ Արցախի ու Հայաստանի միջև»,- նշեց Հայկազուն Ալվրցյանը։

Նա նշեց, որ քրդերին հողը տվել էին իրենց հոտն արածեցնելու համար, ու նրանք քիչ-քիչ սկսել են հարմարվել այնպես, որ այսօր Փաշինյանը հայտարարում է, թե իբր դրանք իրենց հողերն են եղել։

«Թուրք-թաթարական շահը պահանջում է, որ հայ ժողովուրդը ոչնչացվի ու Նիկոլն այդ թուրք-թաթարական շահը պաշտպանողն է։ Նա Թուրքիա էր գնացել Ալիևին աջ համբույր տալու ու դրանով ճանաչեց նրա գերակա շահը։ Ինքն իրեն դրել է մեյմունի տեղ։ Երբ Ալիևն իրեն ասում է հարբեցող ծաղրածու և նա չի արձագանքում, ուրեմն էլ ի՞նչ էիք ուզում, պետք արհամարհված լիներ»,- ասաց հայագետը։

Նա նաև նկատում է, որ երբ Նիկոլն իր սև գործն ավարտի, Ալիևը նրան հանձնելու է իր տերերին։

«Ալիևը Նիկոլին դնելու է վանդակ և ավելի կեղտոտ ձևերով է ստորացնելու։ Նրան թվում է, թե գնալով Թուրքիա՝ փրկվելու է։ Չի փրկվելու, քանի որ դավաճանին ոչ ոք չի ներում»,-ասաց հայագետը։