Զապորոժիե ԱԷԿ-ը պատրաստվում է ամենավատին․ ՄԱԳԱՏԷ-ի ղեկավար

Զապորոժիե ԱԷԿ-ը չի կարողանա ջուր ներբեռնել Կախովկայի ջրամբարից, եթե այնտեղ ջրի մակարդակը իջնի 12,7 մետրից: Այս մասին Sky News-ին տված մեկնաբանությունում ասել է ՄԱԳԱՏԷ-ի ղեկավար Ռաֆայել Գրոսսին։

«Կախովկայի ջրամբարում ջրի մակարդակն արդեն իջել է մոտ 2,8 մետրով այն բանից հետո, երբ երեքշաբթի առավոտյան պատնեշը պայթել է։ Հունիսի 7-ին՝ տեղական ժամանակով ժամը 18:00-ին, ջուրը հասել է 14,03 մետրի»,- ասել է Գրոսսին:

Եթե ​​մակարդակը իջնի 12,7 մետրից, ապա Զապորոժիե ԱԷԿ-ն այլևս չի կարողանա ջրամբարից ջուր մղել տեղանք: Դեռևս ամբարտակին հասցված վնասի ամբողջական չափը մնում է անհայտ, ուստի հնարավոր չէ կանխատեսել, թե երբ դա տեղի կունենա: Բայց եթե անկման ներկայիս տեմպերը շարունակվեն, ապա առաջիկա օրերին կրիտիկական մակարդակի կհասնի։

Նախապատրաստվելով նման սցենարին՝ Զապորոժիե ԱԷԿ-ն անընդհատ համալրում է իր ջրի պաշարները, ներառյալ կայանի կողքին գտնվող հովացման մեծ լճակը, ինչպես նաև ավելի փոքր հովացման լճակները և մոտակա ջրանցքները՝ ջուր մղելով Կախովկայի ջրամբարից, քանի դեռ դա հնարավոր է: Երբ դրանք լցվեն, ջրի այս աղբյուրները բավարար կլինեն կայանին, որպեսզի մի քանի ամիս ապահովվի անհրաժեշտ ջրով վեց ռեակտորների սառեցումը։