18 տարեկան երիտասարդին ծեծած «Նիկոլի վկա» ՔՊ-ականը գլուխ գովելով պատմում է՝ ինչպես է «ստորացրել» 7 տարեկան տղային (տեսանյութ)

Պարզվում է՝ Թալին խոշորացված համայնքի Արագածավան գյուղի ՋՕԸ վերահսկողության պետ ՔՊ-ական Սուրեն Թորոսյանի «սխրագործությունները» չեն սահմանափակվում 18 տարեկանի ծեծելով ու նրա աչքերին գազ փչելով:

Հիշեցնենք, որ Նիկոլի ՔՊ-ական վկան ծեծի է ենթարկել գյուղի 18-ամյա բնակիչ Արմեն Սահակյանին: Ի դեպ, վերջինիս մոտ ախտորոշված է նաև էպիլեպսիա հիվանդություն։

Ըստ որոշ տեղեկությունների՝ ՔՊ-ականը ձերբակալվել է: Բայց այստեղ արդեն հարցն այդ չէ միայն:

Նոր հանգամանքներ են պարզվում: Այս երևույթն ունի տեսանյութ, որտեղ հպարտությամբ պատմել է, թե ինչպես է «ստորացրել» 7 տարեկան արցախցի տղային այն բանի համար, որ նա Արցախը հանձնելու մեջ մեղադրել է Նիկոլ Փաշինյանին:

Նա պատմում է.

«Ավտոյով գնում էի Թալին քաղաք, ճանապարհին մի հատ երեխա էր կանգնած, ձեռքը՝ «տնգեց», ես էլ կանգնեցի: Նստեց մեքենան և հարցրեցի՝ ո՞ւր ես գնում, փոքր երեխա էր, պատասխանեց՝ Թալին, ֆուտբոլի եմ գնում: Մի տեսակ բարբառով էր խոսում:

Ասեց՝ Ղարաբաղից եմ եկել: Հարցրեցի՝ շուտվանի՞ց եք եկել, ասեց՝ դավաճան Նիկոլը հողերը տվել է, հիմա էլ պատրաստվում է Երևանը տալ: Եվ տվյալ երեխայի ընտանիքը պետական գործի է, աշխատում են համայնքապետարանում: Նման տիպի «փալասներին» դուրս ենք շպրտելու համակարգից: Ապշել էի, որ 7 տարեկան երեխան այդպես է խոսում, կանգնել եմ, դուռը բացել եմ և ասել՝ իջի գնա, չոլերի մեջը, ես քու ....»:

Մի խոսքով՝ ՔՊ-ականի տեսայութը ներկայացնում ենք, իսկ մեկնաբանությունները թողնում ձեզ: