Էրդողանը ստորացնում է ՀՀ ղեկավարին․ Նիկոլը ջրում է Հայոց ցեղասպանության հարցը, ու եթե հայ ազգը դա հանդուրժի, ուրեմն արժանի է դրան․ Սարգիս Ավետիսյան

Փաշինյանը ջրում է Հայոց ցեղասպանության հարցը։ Այս մասին ասուլիսի ժամանակ ասաց «Համերաշխություն» շարժման համակարգող Սարգիս Ավետիսյանը։ Նա Նիկոլ Փաշինյանի այցը Թուրքիա որակեց «ազգային խայտառակություն»։

Ավետիսյանն ընդգծում է նաև, որ թուրքերը, իրենց հատուկ «ցինիկությամբ» նվաստացրեցին Փաշինյանին՝ արհամարհական վերաբերմունքի արժանացնելով նրան։

«Էրդողանն իր ձեռքը պարզելով ցույց տվեց, որ Նիկոլն իր հովանու տակ է։ Հետո դրվագներ եղան, որտեղ Փաշինյանը բերանը բաց հրճվում էր ու ակնհայտ էր, որ Նիկոլն իրեն շատ լավ էր զգում սեփական մտերիմ միջավայրում»,-ասաց Սարգիս Ավետիսյանը՝ նշելով, որ իր պահվածքով Փաշինյանը հայ ազգին ներգրավում է կեղտոտ ծրագրի մեջ ու տանում ոչնչացման։

Սարգիս Ավետիսյանը նկատում է, որ մինչ բոլոր երկրները մեզ հայ-թուրքական հարաբերություններում աջակցել են ու ճանաչել Հայոց ցեղասպանությունը, այժմ ստացվում է, որ Հայաստանի ղեկավարն այդ ամեն ինչը զրոյացնում է։

«Նիկոլը ջրում է այդ ամենը։ Էրդողանն էլ այդ ամենը անում է նվաստացնելով»,-նկատում է Ավետիսյանը։

Նա նաև մատնանշում է Փաշինյանին ուղեկցող անձնակազմին։ Մասնավորապես ինքնաթիռից նրան ուղեկցող կասկածելի արտաքինով տղամարդուն, որը թուրքի էր նման։

«Ակնհայտորեն թուրք էր, որը նաև անձրևանոց էր պահում նրա գլխին, ու որի կարիքը շատ տարօրինակ, նա ամեն տեղ ունի։ Միշտ նա ինչ-որ մեկի անձրևանոցի տակ է»,-նշում է բանախոսը։

Նա նկատում է, որ թուրքերը մինչև վերջ ստորացնում ու նվաստացնում են հայ ղեկավարին ու դա ցույց տալիս աշխարհին, ինչի դեմ պայքարել է հարկավոր։