Հայաստանի տնտեսությունը չափավոր ազատ է. Heritage Foundation

Ամերիկյան հետազոտական Heritage Foundation ինստիտուտը հրապարակել է Տնտեսական ազատության ինդեքսն աշխարհում:

Երկրները բաժանվել են 5 խմբի՝ ազատ, առավելապես ազատ, չափավոր ազատ, առավելապես ոչ ազատ և ոչ ազատ։ Հայաստանի տնտեսությունը ճանաչվել է չափավոր ազատ. Հայաստանը 54-րդ տեղում է (67 բալ): Զեկույցում մատնանշվում է, որ վերջին տարիներին իրականցվել է ընդլայնողական ֆիսկալ քաղաքականություն:

Ի տարբերության Հայաստանի` Վրաստանը համարվում է առավելապես ազատ ՝ զբաղցնելով 23-րդ տեղը: Թուրքիան՝ 79-րդ (չափավոր ազատ), Ադրբեջանը՝ 91-րդ (չափավոր ազատ), Իրանը՝ 171-րդ (ոչ ազատ)։ Ամենաազատ տնտեսություններով երկրները այս անգամ ևս ճանաչվել են Հոնկոնգը, Սինգապուրը և Նոր Զելանդիան, իսկ ոչ ազատ՝ Վենեսուելան, Կուբան և Հյուսիսային Կորեան։

ԱՄՆ-ը վարկանիշում 11-րդ (առավելապես ազատ) տեղում է, Չինաստանը՝ 144-րդ (առավելապես անազատ): Իսկ Ռուսասատանը՝ 153-րդ տեղում է և համարվում է առավելապես անազատ: