Զգուշացեք կեղծ էջերից և առաջարկներից. Ամերիաբանկ

Ամերիաբանկը տեղեկացնում է, որ համացանցում ստեղծվել են մի շարք կեղծ էջեր, որոնք, առանց որևէ իրավական հիմքի օգտագործելով և շահարկելով Ամերիաբանկի ֆիրմային անվանումն ու ապրանքային նշանը, տարածում են հայտարարություններ և Ամերիաբանկի անունից քաղաքացիներին առաջարկում շահույթ ստանալ «ներդրումային հարթակում գրանցվելու և օգտակար հանածոների արտահանումից բաժնեմաս ունենալու պետական ծրագրին մասնակցելու» միջոցով:

 Եվս մեկ անգամ հորդորում ենք Ամերիաբանկի ծառայությունների և առաջարկների մասին հավաստի տեղեկատվություն ստանալու համար հետևել միայն բանկի` սոցիալական ցանցերում գրանցված պաշտոնական էջերին և կայքին:

 
Սոցիալական ցանցերում մեր էջերի հղումները`

Ամերիաբանկի պաշտոնական կայքը` ameriabank.am

Կարևոր է իմանալ

Բանկի աշխատակիցը երբեք չի խնդրում տրամադրել.

♦ Ձեր քարտի տվյալները

♦ Քարտի PIN կոդը

♦ Քարտի հակառակ կողմում նշված եռանիշ թիվը (CVV)

♦ SMS հաղորդագրությամբ ստացված մեկանգամյա անվտանգության կոդը

♦ Քարտի գործողության ժամկետը

 Ինչպե՞ս խուսափել զեղծարարություններից

× Միˊ ուղարկեք Ձեր քարտի տվյալները որևէ անձի էլ. փոստի, messenger հավելվածների միջոցով կամ հեռախոսային զրույցի ընթացքում:

×  Միˊ մուտքագրեք Ձեր քարտի տվյալները չպաշտպանված կայքերում և կասկածելի օնլայն հարթակներում:

× Միˊ մուտքագրեք MyAmeria հավելվածի Ձեր մուտքային տվյալները չպաշտպանված կայքերում և կասկածելի օնլայն հարթակներում:

× Միˊ կատարեք փոխանցումներ անծանոթ անձանց, որոնք Ձեզ հետ կապ են հաստատում սոցիալական ցանցերի միջոցով:

× Միˊ օգտվեք այն կայքերից, որտեղ տեսնում եք «your connection is not secure» գրությունը:

× Միˊ մասնակցեք կեղծ խաղարկությունների:

× Միˊ անցեք կասկածելի հղումներով:

Նշում. Բանկի աշխատակիցը Ձեր անձը նույնականացնելու համար կարող է Ձեզ ուղարկել SMS հաղորդագրություն, որը պարունակում է ութանիշ կոդ, և դրանից միայն 3 նիշը բավարար է նույնականացումն իրականացնելու համար:

Ի՞նչ անել, եթե Ձեր քարտի տվյալները գրանցել եք որևէ կասկածելի կայքում կամ տրամադրել եք այլ անձանց, և Ձեր քարտից փորձել են գանձում կատարել

 Շտապ բլոկավորե՛ք քարտը` հավաքելով *116# և հետևելով հրահանգներին, և անհապաղ կաˊպ հաստատեք մեզ հետ +374 10/12 56 11 11 հեռախոսահամարներով: