Volkswagen մակնիշի մեքենայի վարորդը, չարգելակելով կարմիր լույսի տակ, բախվեց ոստիկանության աշխատակցի վարած BMW մակնիշի մեքենային (լուսանկարներ)

Երևան քաղաքի Թբիլիսյան խճուղու վրա հաճախակի կրկնվող վրաերթերն ու մյուս վթարները տեսախցիկների բացակայությունն է։

Տևական ժամանակ խճուղու վրա չկային լուսակիրներ, ինչի հետևանքով վրաերթերի թիվն այս խճուղու վրա շատ էին, քանի որ վարորդները չէին զիջում հետիոտներին։

Իսկ ավելի ուշ, երբ լուսակիրները տեղադրվեցին, վրաերթերը ինչ–որ չափով նվազեցին, սակայն լուսակիրների բացակայությունն անպատժելիության մթնոլորտ է ստեղծում ու, վարորդները շարունակում են գերազանցել արագությունն անգամ կարմիր լույսի տակ։ 

Սա այն դեպքում, երբ հետիոտնն ինքն է կարգավորում լուսակիրը։ 

Այսինքն` եթե մեքենաների համար կարմիր լույս է, ուրեմն քաղաքացին սեղմել է համապատասխան կոճակը` փողոցն անցնելու համար, ու այդ պահին պարտադիր ինչ–որ մեկը փողոց է անցնում։

Սա փոքրիկ նախաբան նրա, թե ինչպես այս հատվածում ամեն օր մի քանի անգամ խախտվում է երթևեկությունը։

Ստորև ներկայացված լուսանկարում հերթական օրվա, Թբիլիսյան 38 հասցեում տեղի ունեցող հերթական բախումն է։

Volkswagen մակնիշի մեքենայի վարորդը, անտեսելով լուսակիրը, արագության տակ փորձեց անցնել կարմիր լույսի տակով ու վթար առաջացրեց, բախվելով ոստիկանության աշխատակցի վարած BMW մակնիշի մեքենային։

Իհարկե, նա արագ հասցրեց պտտել ղեկն ու ամբողջությամբ չմխրճվեց դիմացի մեքենայի մեջ, բայց փաստն այն է, որ սա առաջին ու վերջին անգամ չէ։

Խնդրին ցանկանում ենք հրավիրել նաև պատկան մարմինների ուշադրությունը և ակնկալում ենք, որ տարածքում տեսախցիկներ կդրվեն։

 Արմինե Մկրտումյան