Այս ճանապարհը նորից բացվելու է, խաղաղ ենք ասում՝ բացեք ճանապարհը, չբացեք՝ ուժով ենք բացելու, ինչպես 31 տարի առաջ ու մի հարցրեք՝ ո՞ւմ երեխան է կռվելու՝ բոլորիս․ Չալաբյան (տեսանյութ)

Ադրբեջանն ուզում է Արցախի մինչև վերջին գյուղը, դաշտը կլանել, 105 տարի է՝ Արցախը հերոսաբար պայքարում է Ադրբեջան արհեստական միավորման դեմ։ Այս մասին այսօր Կոռնիձորում հաջակցություն Արցախի հանրահավաքի ժամանակ ասաց Համախմբում շարժման հիմնադիր Ավետիք Չալաբյանը։

«Սրանից 31 տարի առաջ՝ 1992 թվականի մայիսին, Արցախի զինված միավորումները ճեղքեցին Արցախի պաշարումը, ազատագրեցին Շուշին, Բերձորը, դուրս եկան այստեղ և վերամիավորեցին Արցախը Հայաստանի հետ։ Ցավոք, մեր աչքի առաջ արյունով ազատագրված հողը առանց մի կրակոցի թափթփուկները հանձնեցին թշնամուն․ այն հողը, որի համար Աշոտը (նկատի ունի Աշոտ Մինասյանին (Աշոտ Երկաթ)-խմբ․) և իր ընկերներն արյուն են թափել։ Այսօր մենք կանգնած ենք այստեղ՝ Արցախի և Հայաստանի հանրապետությունների սահմանագծում, որտեղ արհեստական կերպով նորից մխրճվել է թշնամին՝ այստեղի իշխանությունների թողտվությամբ։ Հիմա մենք վճռականորեն պետք է ասենք՝ այս ճանապարհը նորից բացվելու է։ Մենք այսօր եկել ենք դրա համար խաղաղ ասենք, խաղաղ բացեք ճանապարհը, չբացեք՝ ուժող ենք բացելու՝ ոնց բացել ենք 31 տարի առաջ, ուժով ենք բացելու, մի՛ փորձեք մեր ուժը»,- ասաց Չալաբյանը

Դրա համար, նրա խոսքով, ուժ պետք է հավաքել։ Իսկ ուժ հավաքելու համար Չալաբյանը բանաձև առաջարկեց անվերապահ զինվորագրվել Հայաստանի և Արցախի պաշտպանությանը։

«Էս թշնամին իր դեմ զինված ուժ պետք է տեսնի և ոչ թե զինված ուղղակի ավտոմատով, այլ զինված ժամանակակից լավագույն զենքերով ունենալով լավ սպաներ, լավ համակարգեր, լավ մարտական պատրաստություն։ Եկեք ոչ մեկս հարց չտանք՝ ո՞ւմ երեխան ա կռվելու։ Էս թափթփուկները փորձում են անընդհատ էդ հարցով մեզ շփոթեցնել․ կռվելու ենք ամեն մեկս ու ամեն մեկիս երեխեն։ Ոչ մեկիս երեխեն ոչ մեկից լավը չի։ Եկեք ամեն մեկս մեզ վրա պարտավորություն վերցնենք, որ մենք մեր զենքով, մեր երեխեքը՝ իրենց զենքով, պետք է պաստրաստ լինենք պաշտպանել երկիրը, այդ ժամանակ հայկական գործոնը կվերականգնվի»,- շեշտեց Չալաբյանը։

Նա նաև զուգահեռ այլ լուծումներ առաջարկեց։

Մանրամասները՝ մեր տեսանյութում