Մոլորակի ամենահարուստ մարդկանց ցուցակը հրապարակվել է

Business Insider պորտալն ու Wealth-X պարբերականը համատեղ կատարած հետազոտության արդյունքում ներկայացրել են մոլորակի 50 ամենահարուստ մարդկանց ցուցակը, ինչի մասին տեղեկացնում է gazeta.ru-ն: Վերլուծության համար հավաքվել են 110 հազար ամենահարուստ մարդկանց տվյալները: Հետազոտության համաձայն, ընտրվել են 50 ամենահարուստ քաղաքացիները, որոնց համատեղ կարողությունը կազմում է շուրջ 1․46 տրիլիոն դոլար: Պարբերականը հաղորդում է, որ դա ավելի շատ է, քան օրինակ՝ Ավստրալիայի, Իսպանիայի կամ Մեքսիկայի տարեկան ՀՆԱ-ն:

Նշենք, որ ցուցակը միանձնյա գլխավորում է Microsoft ընկերության հիմնադիր և նախկին բաժնետեր 60-ամյա Բիլ Գեյթսը: Նրա կարողությունը կազմում է շուրջ 87․4 միլիարդ դոլար: Իսկ ահա երկրորդը՝ 79-ամյա իսպանացի Ամանսիո Օրտեգան է` 66․8 միլիարդ դոլարով: Եռյակը եզրափակում է 85-ամյա ամերիկացի Ուորեն Բաֆեթը: Այս մարդու կարողությունը կազմում է 60․7 միլիարդ դոլար: Իսկ 12-րդ տեղում մոսկվացի Սերգեյ Բրինն է` Google-ի փնտրման համակարգի մշակողներից մեկը: Բրինն ունի 37 միլիարդ դոլար: 42-րդ տեղում 16․7 միլիարդ դոլար կապիտալով Լեն Բլավատնիկն է, որը 1978 թվականին ԽՍՀՄ-ից մեկնել է ԱՄՆ: Ավելացնենք, որ հետազոտությունում նշված է, որ «միլիարդատերերի ակումբ» մուտք գործելու համար անրաժեշտ է առնվազն 14․3 միլիարդ դոլար: Նշենք, որ հենց այդքան կարողություն ունի նիգերիացի Լիկո Դանգոտեն: