Հայ հրաձիգները սկսել են պայքարը

IWK International Air Gun անվանում կրող Մյունխենում մեկնարկաց հրաձգության միջազգային մրցմանը երեկ` հունվարի 28-ին օդամղիչ ատրճանակ (10մ, 60 կրակոց) երիտասարդների պայքարում 56 մրցակցից Զավեն Իգիթյանը խոցել է 573 միավոր և 6-րդ տեղով անցել եզրափակիչ փուլ, ցավոք եզրափակչում Զավենին չի հաջողվել բարելավվել դիրքերը:

Նշենք, որ Զավեն Իգիթյանը եզրափակիչ ութնյակում մրցելույթն ավարտել է` գրավելով 7-րդ տեղը: Նմանատիպ վարժությունում հանդես եկող Հայաստանի մյուս մասնակիցը` Բենիկ Խլղաթյանը, զբաղեցրել է 28-րդ տեղը` խոցելով 561 միավոր,- տեղեկացնում է Հայաստանի հրաձգության ֆեդերացիայի մամուլի քարտուղարությունը:

Նույն մրցաշարում հայ մարզիկներից, Օդամղիչ հրացան (10մ. 60 կրակոց) տղամարդկանց վարժությունում 85 մրցակցից Սուրեն Բերյանը գրավել է 17-րդ տեղը` խոցելով 626,4 միավոր, Հրաչիկ Բաբայանը 626,0 միավորով գրավել է 20-րդ տեղը, Քրիստիան Լաուերը` 618,5 միավորով 70-րդ տեղը: Իսկ ահա երիտասարդների պայքարում 61 մրցակցից Վրեժ Թորոսյանը գրավել է 22-րդ տեղը` խոցելով 618.3 միավոր: Հայկ Բաբայանը, գրավել է 45-րդ տեղը` խոցելով 612.8 միավոր: Օդամղիչ ատրճանակ (10 մ. 40 կրակոց) ձևում Էլմիրա Կարապետյանը գրավել է 59-րդ տեղը` խոցելով 369 միավոր: