Հավերժ անիծված ընտրություն...
Ուղիղ հինգ տարի առաջ այսօր օրը՝ մայիսի 8-ին, Հայաստանի հանրապետության Ազգային ժողովում վարչապետ ընտրվեց Նիկոլ Փաշինյան անուն ազգանունը կրող մի մարդ, ով դրանից հետո դարձավ հայ ժողովրդի դժբախտության, հազարավոր հայերի մահվան, հազարավորների հաշմանդամության միակ գլխավոր պատճառը։
Ուղիղ հինգ տարի առաջ՝ այս օրը, Նիկոլ Փաշինյանը ընտրվեց վարչապետ ու դարձավ Հայաստանում և Արցախում ապրող հայ ժողովրդի գլխին արյուն ու մահ թափող մեկը։
Ուղիղ հինգ տարի առաջ՝ այս օրը, Նիկոլ Փաշինյանը դարձավ Հայաստանի վարչապետ, ու մարմիններով լցրեց այն դատարկ դագաղները, որոնցով սկսեց իշխանազավթման իր առաքելությունը։
Ուղիղ հինգ տարի առաջ՝ այս օրը, Նիկոլ Փաշինյանը հայկական տոնացույցից ջնջեց հայ ազգի համար 30 տարի հաղթանակի օր համարվող մայիսի 8 և 9-ը՝ Եռատոնը։
Հայկական տոնացույցում սև ժապավեններ հայտնվեցին ճիշտ այնպես, ինչպես ամբողջ Հայաստանում էին՝ կախված ամեն մի բակում ու թաղամասում։
Ուղիղ հինգ տարի առաջ Հայաստանի վարչապետ ընտրված մարդը մարդկանց խոստացավ հարստություն, բայց հարստացավ միայն ինքը ու իրեն ծառայող ստրկամիտները։
Ուղիղ հինգ տարի առաջ նա մարդկանց խոստացավ արդարություն, բայց բանտում հայտնվեցիn հայրենիք չծախող իրական հայրենասերները։
Ուղիղ հինգ տարի առաջ Հայաստանի վարչապետ ընտրված մարդը խոստացավ, որ ազգությամբ հայ երեխաները կապրեն երջանիկ և ապահով Հայաստանում, բայց հազարավոր հայորդիների անկյուն դարձրեց Եռաբլուրի խորը փոսն ու ադրբեջանական բանտը։
Ուղիղ հինգ տարի առաջ Նիկոլ Փաշինյանը հայ ժողովրդին խոստացավ ժպիտ, բայց ժպիտից զրկեց հազարավոր հայ մայրերի, խոստացավ ներգաղթ, բայց հազարավորները իրենց տղա զավակներին հեռացնում են Հայաստանից, որ նրանք բաժին չդառնան հերթական պատերազմի, որի ժամանակ գերագույն գլխավոր հրամանատար կլինի Նիկոլ Փաշինյանը։
Ուղիղ հինգ տարի առաջ՝ մայիսի 8-ին, Նիկոլ Փաշինյանը խոստացավ շենացնել Հայաստանը, երկու օր առաջ խոստովանեց, որ եթե մեկ-երկու տարի կարողանա մեր պետականությունը գոնե պահպանել, լավ կլինի։
Նիկոլ Փաշինյանը Մայիսի 8-ին ընտրվեց Հայաստանի վարչապետ, այսօր կանգնած է թուրք-ադրբեջանական մի վիլայեթի ղեկավար՝ փաշա մնալու եզրին։
Ու որպեսզի Հայաստանը չդառնա թուրքական վիլայեթ, կամ ադրբեջանական մի նահանգ, հայ ժողովուրդը պետք է հստակ իր Ոչ-ը ասի դրան, հայտարարի, որ չի ցանկանում ապրել թրքահպատակ երկրում։
Այսօր Հայաստան և Արցախ պետությունների հարատևման բանալին գտնվում է հայ ժողովրդի ձեռքում՝ Հայաստանում և սփյուռքում։
10+3 միլիոն հայ կցուցաբերի՞ կամք պայքարելու իր անկախ Հայաստանի ու միացյալ Արցախի համար, թուրք-ադրբեջանական տանդեմի սպասարկուները կվռնդվեն հայկական հողից։
10+3 միլիոն հայ չի՛ ցուցաբերի նման կամք, ապա թող պատրաստ լինի Հայաստանում դիմավորել թուրք և ադրբեջանցի փաշաներին ու խաներին՝ որպես մի խանության ազգային փոքրամասնություն։
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
Հորդորում եմ խմելու և կենցաղային նպատակներով օգտագործել միայն համայնքի տրամադրած կամ շշալցված ջուրը․...
Երևան հասնելու համար պետք է տրանսպորտի համար վճարեն 2 անգամ. ինչ է սպասվում մարզերի բնակիչներին
