Նիկոլը մի դաժшն հայտարարություն արեց, որով խոստովանեց, որ մեր տղաներին ինքն է սպшնել․ Վահիդ Սահակյան

Բոլորս գիտենք, որ այս պատերազմը կարող էր և չլինել։ Պատերազմն,ըստ իս, եղավ չարաբաստիկ հեղափոխության հետևանքով, որովհետև հեղափոխությունից հետո մենք ունեցանք անկառավարելի երկիր, վարչապետ ընտրվեց մի հակազգային անձնավորություն։ Այս մասին այսօր մամուլի ասուլիսում ասաց «Որդիների կանչ» ՀԿ ղեկավար, զոհված զինծառայողի ծնող Վահիդ Սահակյանը՝ պատասխանելով հարցին, թե ի՞նչն է պատճառը, որ ընտրվել է պայքարի այսպիսի ճանապարհ։ 

«Փաշինյանը բազմիցս հայտարարեց, որ ես բանակցություները սկսում է իր սեփական կետից, ոչ թե Սերժ Սարգսյանի։ Հաջորդ հայտարարությունը եղավ այն, որ նա ասաց՝ ես ինչ ուզում, այն էլ բանակցում եմ։ Եվ երրորդ հայտարարությունը, որը պատերազմի նախապայման ստեղծեց այն էր, որ Արցախում հյատարարեց, որ Արցախը Հայաստան է և վերջ։ Վերջին արտահայտությունից հետո, Ալիևը խոստովանեց, որ ինձ այլ բան չէր մնում, քան սկսել պատերազմ։ Պատերազմը սկսեց, մենք կորցրինք մեր սրբագույնին, մեր լավագույն տղաներին։ Մեր ցավով տառապելով՝ գնում էինք Եռաբլուր, սգում էինք, իրար բարևում, սակայն ապրիլի 13-ին երկրի թիվ մեկ ամբիոնից նորից Նիկոլը մի դաժան հայտարարություն արեց՝ մեզ համար անսպասելի, որ կարող էի կանխել պատերազմը, կունենայինք նույն վիճակը՝ առանց զոհերի։ Այսինքն՝ դրանով նա խոստովանեց, որ մեր տղաներին ինքն է սպանել։ Մենք ծնողներով որոշեցինք, որ մեր տղաների սպանության անձնավորությունը հայտնի է, հանցագործության մասին հաղորդում տվեցինք ՀՀ գլխավոր դատախազությունում»,- պատմեց Սահակյանը։

Շարունակելով՝ նա պատմեց, որ ապրիլի 26-ին, հավաքվել են Գլխավոր դատախազության մոտ, մեծ դժվարությամբ հանդիպում ունեցել այն ժամանակվա գլխավոր դատախազ Արթուր Դավթյանի հետ և վերջինս նրանց ասել է, որ ձեր պահանջն ամենաարդարն է և մենք ամեն ինչ կանենք, ուր ամբողջը բացահայտվի։

«Ըստ իս, սա լոկ խոսքեր էին, ոչ թե իրականությանը համապատասխանող բառեր։ Համենայն դեպս, գործ հարուցվեց, գործն ուղարկեցին Զինվորական դատախազություն, այնտեղից Քննչական կոմիտե, այնտեղից ԱԱԾ, ամբողջ տարվա մեջ քաշքշուկի մեջ էինք, դրան գումարվեց սեպտեմբերի 21-ը։ Ամեն մի ցավը մեզ ավելի միավորեց, որովհետև մենք առանձին-առանձին չէինք կարող պայքարել»,- ասաց զոհվածի հայրը։

Նա հիշեց նաև սեպտեմբերի 21-ին կատարվածը, երբ Եռաբլուրից կարմիրբերետավորները քարշ էինք տալիս որդեկորույս ծնողներին։ 

«Այդ օրը կատարվեց այն, ինչ որևէ օրենքում գրված չէ՝ բռնություն, անհավասար ուժ։ Ես նույնպես ճանաչվել եմ տուժող, իսկ մենք նաև 4-5 ծնողներ ունենք, որոնք դատաբժշկական եզրակացությունով մարմնական վնավածքներ են ստացել։ Մեզ խոստացան, որ անաչառ քննություն է լինելու, մեղավորները պարտադիր պատժվելու են։  Մենք օգնել ենք նույնականացումն իրականանա, առերեսումը կատարվի։ Առերեսման ժամանակ ոստիկանները մեր ծնողներին խնդրում էին՝ մենք մեղավոր էինք, զղջում ենք, մեղմ վերաբերվել»,- պատմեց նա։

Զոհվածի ծնողը նշեց, որ երկար ժամանակ արդեն զբաղված են եղել ծնողների վնասվածքներ պատճառելու դեպքով։ 

«Այդ ընթացքում Քննչական  կոմիտեից տեղեկացրին, որ Նիկոլը հարցաքննության է կանչվել, բայց որտեղ, ում ներկայությամբ, քանի քննիչ է հարցաքննել, ոչ մի տեղեկություն չունեինք, թե ինչ են հարցրել, մեր բարձրացրած հարցե՞րն են տվել, թե՞ ոչ»,- ներկայացրեց Սահակյանը։ 

Ծնողի արձանագրմամբ, մեր երկրում որևէ հարց իրավական լուծում չի ստանում, պատճառն այն է, որ ամբողջ իրավական համակարգը գտնվում է «մեր չեղյալ վարչապետի ձեռքին»։ 

«Մենք հայտարարություն արեցինք, որ անցնում ենք ավելի վճռորոշ պայքարի, հիմա էդ պայքարի տեսակներն ենք քննարկում, հանդիպումներ ենք ունենում լիարժեք մասնագետների հետ, ովքեր կարող են այս հարցում մեզ օգտակար լինել և ընտրելու ենք ամենաօպտիմալ ճանապարհը։