Մենք բոլորս պարտական ենք նրան. Զորիկը կդառնար 27 տարեկան. (տեսանյութ)

Արդեն երկու տարի, Զորիկ Գևորգյանի հարազատները հունվարի 29-ին` նրա ծննդյան օրն այցելում են գերեզմաններ: Զորիկն այսօր կդառնար 27 տարեկան, եթե թշնամու դիվերսիոն գործողությունների հետևանքով չզոհվեր: Զորիկ Գևորգյանը ծնվել է 1989 թվականին` Տավուշի մարզի Իջևան քաղաքում: Այնուհետ տեղափոխվել է Լոռու մարզի Վանաձոր քաղաք։

Հայրը եղել է զինվորական։ 2006 թվականին ավարտելով 10-րդ դասարանը՝ Զորիկն ընդունվում է Վազգեն Սարգսյանի անվան Ռազմական ինստիտուտ, սկզբում ընտրելով հետևակի մասնագիտություն, այնուհետև 4-րդ կուրսում՝ սկսում հետախույզի մասնագիտացում։ 2010 թվականին լետենանտի կոչումով անցնելով ՀՀ ԶՈՒ շարքերը՝ ծառայության անցնելով N. զորամասում որպես հետախուզական դասակի հրամանատար։

2013 թվականին բարեխիղճ ծառայության համար արժանանում է ավագ-լետենանտի զինվորական կոչման: Իսկ 2014 թ. օգոստոսի 1-ի լույս 2-ի գիշերը՝ Մարտակերտի ուղղությամբ հակառակորդի հետախուզա-դիվերսիոն ներթափանցման փորձը կասեցնելիս արիաբար զոհվում է։ Զորիկ Գևորգյանին հետմահու շնորհվել է կապիտանի կոչում։ ՀՀ Նախագահի հրամանագրով պարգևատրվել է «Մարտական խաչ» 2-րդ աստիճանի շքանշանով, իսկ ԼՂՀ Նախագահի հրամանագրով՝ «Արիության համար» մեդալով։ Զորիկ Գևորգյանը կատարել է նաև 14 թռիչք պարաշյուտով, որի համար ևս պարգևատրվել է։

Մանրամասները` տեսանյութում