Արցախից Հայաստան. հերթը Բակոյինն է

«Բակո Սահակյանի Հայաստանում ԱԱԾ պետ նշանակվելու մասին մամուլում շրջանառվող լուրը ընդամենը շահարակում է»,-newspress.am-ի հետ զրույցում նշեց ԼՂՀ նախագահի մամուլի խոսնակ Դավիթ Բաբայանը:

Նրա ներկայացմամբ՝ Բակո Սահակյանն այդ թեմայի վերաբերյալ չի խոսում, կարծիք չի հայտնում: ԼՂՀ նախագահի պաշտոնավարման ժամկետի ավարտից հետո Բակո Սահակյանը Հայաստանում պաշտոն կունենա, թե ոչ` ժամանակը ցույց կտա: Բայց փաստ է այն, որ ԼՂՀ բարձրաստիճան պաշտոնյանները 1990-ականներից այս կողմ հայտնվել են Հայաստանում և զբաղեցրել բարձր պաշտոններ: Ղարաբաղից Հայաստան եկած պաշտոնյանների մի մեծ ցանկ կա:

Ռոբերտ Քոչարյանը ԼՂՀ-ում բարձր պաշտոններ զբաղեցնելուց հետո Հայաստան է տեղափոխվել 1997թ-ին` ստանձնելով ՀՀ վարչապետի պաշտոնը, 1998-2008թթ-ը` ՀՀ նախագահի պաշտոնը: Հիմա ամենահարուստ «քաղաքական թոշակառուն» է համարվում: Սերժ Սարգսյանն էլ Հայաստանում զբաղեցրել է պաշտպանության նախարարի, ՆԳ եւ ԱԱ նախարարի, նախագահի աշխատակազմի ղեկավարի, վարչապետի պաշտոնները: 2008-ից ՀՀ նախագահն է:

Սեյրան Օհանյանը 2007թ-ին նշանակվել է ՀՀ զինված ուժերի գլխավոր շտաբի պետ, պաշտպանության նախարարի առաջին տեղակալ, իսկ 2008թ-ից ՀՀ պաշտպանության նախարարն է:

ԼՂՀ 2-րդ նախագահ Արկադի Ղուկասյանը Հայաստան է տեղափոխվել 2007թ-ին, նշանակվել է Հատուկ հանձնարարություններով դեսպան, ի դեպ այդ «հաստիքը» հատուկ նրա համար ստեղծվեց:

Ղարաբաղից Հայաստան եկած պաշտոնյաների ցուցակում է նաև Սամվել Բաբայանը ՝ Դաշինք կուսակցությունով: Այժմ նա քաղաքականությունից դուրս է և մխրճված բիզնեսի մեջ:

Քանի որ Ղարաբաղից Հայաստան եկած պաշտոնյաների ցուցակը մեծ է, երկար կարող ենք թվարկել: Ցուցակում «նորակոչիկ»-ը Մովսես Հակոբյանն է: ՀՀ զինված ուժերի գլխավոր շտաբի պետի տեղակալը:

Հիշեցնենք նաև , որ Հայաստնում պաշտոն է զբաղեցրել նաև Արթուր Աղաբեկյանը: Պաշտպանության նախարարի տեղակալ է եղել, սակայն առանձնանում է նրանով, որ վերադարձել է Արցախ և ԼՂՀ փոխավրաչապետի պաշտոնն է զբաղեցնում: