Ռուս-թուրքական զորքերը կարող են բախվել Սիրիայում. Times

Հեղինակավոր Times պարբերականը այսօր մի հոդված է հրապարակել, որտեղ նշվում է, թե Սիրիայի տարածքում ռուս-թուրքական ուժերի միջև հնարավոր բախման մասին: Տեղեկացնում է demokrathaber.net կայքը: Հոդվածագիրը նշում է, որ վերջին օրերին Թուրքիան սիրիական Ջերաբլուս քաղաքի մոտակայքում սեփական տարածքի սահմանային փշալարերը սկսել է հավաքել: Իսկ սիրիական կողմում այդ տարածքն անցել է սիրիացի քրդերի հսկողության տակ: Ռուսներն ամեն կերպ օգնում են քրդական ուժերին ամրապնդվել Թուրքիայի հետ սահմանին: Իսկ Էրդողանը բազմիցս պնդել է, որ սիրիացի քրդերի ստեղծած կազմակերպությունը ( YPG) Թուրքիայում գործող զինված քրդերի (PKK) մի թևն է:

Վերջին օրերին ռուսները զենք են կենտրոնացնում այդ հատվածում: Հոդվածագիրը շեշտում է, որ Ջերաբլուս քաղաքը, որը գտնվում է թուրք-սիրիական սահմանին և Եփրատի ափին, շատ կարևոր ռազմավարական դիրք ունի, որը ռուսական կողմը կարող է օգտագործել թուրքկան ուժերի հետ բախման ժամանակ: Բացի այդ, այդ քաղաքը կարևոր դեր ունի Եփրատից արևելք ու արևմուտք ընկած տարածքների մաքրման և ամբողջ թուրք-սիրիական սահմանի վերահսկողության տեսանկյունից: Այսպիսի հանգամանքներ նկատի ունենալով` Times-ի հոդվածագիրը հնարավոր է համարում այդ տարածքում ռուս-թուրքական ուժերի բախումը: