ԱԳՆ-ի մեկ ամսվա կոմունալ վարձը 51 մլն դրամ է

Ընթացիկ ամսում ՀՀ Մշակույթի նախարարությունը պետբյուջեից շուրջ 7 մլն 700 հազար դրամի կոմունալ ծախսեր է վճարել։ Մասնավորապես, 426 հազարը կազմել է նախարարության ջրի վարձը, իսկ 7 մլն 272 հազար դրամն էլ կազմել է սպառված էլէներգիայի վճարը: Այս տարվա հունվարին ՀՀ Արտաքին գործերի նախարարությունն էլ ավելի քան 51 մլն դրամ է ծախսել կոմունալ վճարների համար, որից շուրջ 48 մլն դրամը եղել է էլէներգիայի վճարը:

Ինչու են գերատեսչությունները այսքան մեծ գումար վճարել: Գուցե պատճառը թանկացաված էլեկտրաէներգիայի գինն է, որը 250 կվտ/ժամ հոսանք սպառելուց հետո հաշվվում է նոր գնով: Գերտաեսչությունները կարող էին խնայողություններ կատարել՝ հաշվի առնելով գոնե վարչապետի հորդորը: Երբ կառավարության տարբեր մարմիներ պետական փողերին վերաբերում են թշնամաբար, ինքնին հասկանալի է կառավարության հերթապահ պատասխանը՝ բյուջեում փող չկա: Շռայլ ծախսերի համար փող կա, բայց խնդիրների լուծման համար փող չկա: Մշակույթի նախարարությունում հուշարձաններրի պահապանության համար փող չկա,արտաքին գործերի նախարարությունում էլ դիվանգիտական հարցեր լուծելու համար :

Փաստորեն շռայլ կոմունալ ծախսերով աչքի են ընկնում այն նախարարությունները, որոնց աշխատանքը հասարակության լայն զանագավածների համար տեսանելի չէ: Մշակույթի նախարարությունը հետևողական չէ պատմաշակութային արժեքների պահպանության հարցում, Արտաքին գործերի նախարությունն է Հայաստանի վարկը աշխարհում պահելու, մեր շահերը առաջ քաշելու հարցում:
Հիշեցնենք, որ Արտաքին գործերի նախարարությանը օրերս քննադատեցին նաև ԵԽԽՎ հակահայկական բանաձևերի մասով ձեռքերը ծալած նստելու համար: Շատերը կարծում են, որ այս կառույցները պետք է լուծարել, ամեն ինչից զրոյից սկսել: