Ֆուռ զննելու գործողությունը միշտ համարվել է, որ տղամարդու գործ է և կանայք այդտեղ չեն կարող ներգրավվել. Ծովինար Սողոմոնյան

«Մաքսային ծառայությունում առաջին փուլում 120-130 տեղի համար կար 2000 դիմորդ, որոնց մի մասը որոշակի գործընթացների ընթացքում դուրս մնացին պրոցեսներից, դասընթացը բարեհաջող ավարտեց 160 հոգի և 140-ը նշանակվեց պաշտոնների»։ Ասուլիսի ժամանակ այս մասին ասաց ՊԵԿ նախագահի տեղակալ Ծովինար Սողոմոնյանը՝ ներկայացնելով բարեփոխումների շրջանակներում Երևանի մաքսային բաժնում իրականացված համալրումների գործընթացը:

Նա նշեց, որ ՊԵԿ մաքսային համակարգը նոր ծառայողներով համալրելու նպատակով իրականացվում է դասընթացների երկրորդ փուլը, որը հաջողությամբ ավարտած մասնակիցները կստանան հավաստագիր և աշխատելու հնարավորություն Մաքսային ծառայության տարբեր պաշտոններում, այս անգամ՝ Հայաստանի բոլոր կետերում, իսկ համակարգի գործող աշխատակիցների համար այդ դասընթացներն պարտադիր են:

«Երկրորդ փուլի դասընթացը կանցկացվի տեսական և գործնական փուլերով, նախատեսվում է նաև ավարտական հարցազրույց։ Բոլոր նրանք, որոնք հաջողությամբ կանցնեն դասընթացը, կստանան հավաստագիր 3 տարի ժամկետով»,-հայտնեց նա և հավաստիացրեց, որ եթե այդ փուլում աշխատանքի չընդունվեն, ապա առաջիկա երեք տարվա ընթացքում մաքսային համակարգում աշխատանքի թափուր տեղ ունենալու դեպքում, կարող են դիմել:

Սողոմոնյանը հայտնեց, որ դասընթացների նախաձեռնման առաջին փուլում կային մտահոգություններ, որոշակի գործընթացներում դանդաղություն, որոշ տնտեսվարողների կողմից դժգոհություններ, իսկ դասընթացի երկրորդ փուլին մասնակցելու համար դիմումների ընդունման վերջնաժամկետ մայիսի 5-ն է և արդեն 450 դիմորդ կա:

Արձագանքելով ուժային մարմիններում իգական սեռի ներկայացուցիչներին ներգրավելու մասին Փաշինյանիհայտարարությանը, ՊԵԿ նախագահի տեղակալն ասաց, որ կանայք ակտիվացել են։

«Ժողովրդի մեջ ավելի շատ ընդունված՝ ֆուռ զննելու գործողությունը միշտ համարվել է, որ տղամարդու գործ է և կանայք այդտեղ ներգրավվածություն չեն կարող ունենալ, բայց այս դասընթացների ժամանակ մենք բացթողնման բաժնում ունենք բավական շատ կին մասնակից և հենց այսօր էլ տերմինալներում նրանք այդ շախատանքներն իրականանցնում են ու՝ շատ բարեհաջող»,–ասաց նա։