Աննա Վարդապետյանն ասաց, որ մենք ճիշտ էինք՝ մեր որդիներին սպանել են, բայց ոչ մի բան չարեց գործը բացահայտելու համար․ որդեկորույս մայրեր (տեսանյութ)

Խաղաղ պայմաններում զոհված զինծառայողների մայրերը, որոշ ժամանակ ընդմիջումից հետո, դարձյալ կառավարության դիմաց են։

Նիկոլ Փաշինյանը նրանց խոստացել էր վերանայել իրենց որդիների մահվան գործերը և բացահայտել մահվան պատճառները։ Սակայն մինչ օրս այս հարցով միայն հայտարարություններ են արվել։ 

NEWSPRESS.am-ի հետ զրույցում խաղաղ պայմաններում մահացած Վալերիկ Մուրադյանի մայրը՝ Նանա Մուրադյանը, հիշեցրեց, որ արդեն 13 տարի փորձում է վեր հանել հարցն ու արդար լուծում է պահանջում։

Ինչպես Նանա Մուրադյանը, այնպես էլ մյուս 3 ծնողները՝ Անդրանիկ Մկրտչյանի, Տիգրան Օհանջանյանի և Արթուր Ղազարյանի մայրերը նշեցին, որ դեռ 8 ամիս առաջ, դատախազ Աննա Վարդապետյանն ուսումնասիրել է գործերը և անգամ ԱԺ ամբիոնից հայտարարել, որ տղաներն իրենց գործում նշված մահով չեն մահացել, բայց ոչ մի բան չի արել գործը բացահայտելու համար:

«Աննա Վարդապետյանն ասաց՝ ինձ թվում էր, թե մայրերն իրենց հուզականությանն են տրվել, բայց երբ ուսումնասիրեցի գործերը, պարզվեց, որ նրանք ճիշտ էին։ Հասկանո՞ւմ եք, այսքան տարի հետո վերջապես բոլորը համոզվեցին, որ մենք ճիշտ էինք, մեր տղաներին սպանել են։ Եթե Աննա Վարդապետյանը նման բան չասեր, մենք գուցե նորից չգայինք էստեղ՝ արդարություն պահանջելու, բայց մենք ճիշտ ենք ու պետք է մինչև վերջ գնանք»,- մեզ հետ զրույցում ասացին ծնողները։

Մանրամասները՝ NEWSPRESS.am-ի տեսանյութում