Արայիկ Հարությունյանը փախչո՞ւմ է
Արցախի հանրապետության կառավաման մոդելի փոփոխության հարցը շարունակում է մնալ Արցախի նախագահ Արայիկ Հարությունյանի օրակարգում։
Որքան Ադրբեջանը ավելի է ուժեղացնում ճնշումը Արցախի վրա, այնքան Արայիկ Հարությունյանը ավելի արագ է ցանկանում իր վրայից գցել իր լիազորությունները, մանևրել պատմական Արցախից մնացած վերջին կտորը Ալիևին հանձնողի պիտակը իր ճակատին դաջելու հարցում։
Մանևր է Արցախում նախագահ փոխելու անցնցում տարբերակը, ինչին էլ գնում է Արայիկ Հարությունյանը։
Ապրիլի 26-ին Արցախի Ազգային ժողովում հրավիրվել է պետաիրավական հարցերի մշտական հանձնաժողովի նիստ, որին ներկա էր Ազգային ժողովի նախագահ Արթուր Թովմասյանը:
Օրակարգի առաջին հարցով Արցախի նախագահ Արայիկ Հարությունյանի կողմից օրենսդրական նախաձեռնության կարգով ներկայացվել է Արցախի Հանրապետության Սահմանադրության նախագծի քննարկման նախագիծ։ Դրանով առաջարկվում է վերափոխել կառավարման համակարգը՝ կառավարման նախագահական համակարգից անցում կատարելով կառավարման կիսանախագահական համակարգին՝ հաշվի առնելով ԱՀ անվտանգության ապահովման հրամայականը, ինչպես նաև ռազմական կամ արտակարգ դրության պայմաններում, արտակարգ իրավիճակներում պետական կառավարման համակարգի ճկունության ապահովման անհրաժեշտությունը:
Կիսանախագահական համակագի անցումը նշանակում է, որ Արցախի նախագահը իր լիազորությունների մի մեծ մասից կհրաժարվի և դա կփոխանցի այլ պաշտոնյայի։
Ներկայացված նախագծի կարգավորումներից մյուսով առաջարկվում է կանոնակարգել բացառիկ դեպքերում Հանրապետության Նախագահի անուղղակի ընտրությունների հետ կապված հարաբերությունները: Առաջարկվում է նաև ռազմական դրության ժամանակ Ազգային ժողովին վերապահել Հանրապետության Նախագահ ընտրելու իրավունք՝ սահմանելով այդ լիազորությունների իրականացման կարգը:
Այս նախագիծը Արայիկ Հարությունյանի կողմից Արցախի նախագահի պաշտոնը ուրիշի գրպանը առանց ընտրությունների գցելու հերթական փորձն է, ինչը մի քանի անգամ ձախողել է կամ կասեցվել՝ ինչ-ինչ նպատակադրումներից ելնելով։
Հարությունյանը փորձում էր փախչել Արցախի նախագահի պաշտոնից մի քանի ամիս առաջ նույնպես, բայց ինչ-որ պահի, հավանաբար Հայաստանից տրվող հրահանգից հետո, նահանջեց։
Հիմա Արայիկ Հարությունյանի ձեռքերը ազատող նախագիծը դարձյալ խորհրդարանում է, և զարմանալի զուգադիպությամբ Արցախի փողոցներում մարդկանց հետ հանդիպումներ է անցկացնում Արցախի անվտանգության խորհրդի նախկին քարտուղար Սամվել Բաբայանը և պահանջում Արցախի պետնախարարի պաշտոնը։
Կկասեցնի՞ Հայաստանը այս անգամ ևս Արցախի կառավարման մոդելի փոփոխության հարցը, թե դա Արայիկ Հարությունյանն անում է հենց Հայաստանի իշխանության հրահանգով և Սամվել Բաբայանի գործուղման միջոցով, ցույց կտա ժամանակը։
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
