Րաֆֆու անվան դպրոցի աշակերտների ֆլեշմոբը` նվիրված Եղեռնի 108-րդ տարելիցին (տեսանյութ, լուսանկարներ)

Մեծ Եղեռնի 108–րդ տարելիցին ու Ցեղասպանության անմեղ զոհերի հիշատակին նվիրված ֆլեշմոբ կազմակերպվեց Երևանի Րաֆֆու անվան թիվ 36 հիմնական դպրոցի բակում։

Ոգեկոչման միջոցառումը կազմակերպվել էր պատմության ուսուցիչ Արտակ Հակոբյանի և ՄԿԱ փոխտնօրեն Էլմիրա Նահապետյանի աջակցությամբ։ 

Նկարում` Էլ.Նահապետյանը և Ար. Հակոբյանը` աշակերտների հետ

Դպրոցի բակում` հենց մուտքի մոտ, պատրաստվել էր բեմ, որի վրա վեր էր խոյացել Հայոց Մեծ Եղեռնի խորհրդանիշ Ծիծեռնակաբերդը։  

Այս բեմի վրա դպրոցականներից մեկն էլ, սուրը ձեռքին ու ամեն պահի մարտի պատրաստ, կանգնել էր պատվանդանին, որպես  «Մայր Հայաստանի» կենդանի արձան։

Միջոցառմանը մասնակից բոլոր աշակերտները կրում էին սև համազգեստ, որ մեր երկրի ցեղասպան եղած ժողովրդի ողբի նկարագիրն էր։ Իսկ աշակերտների սև հագուստի վա մեր հայրենակիցների թափած արյունը խորհրդանշող կարմիր ժապավեններ էին։

Բեմի մոտ ելույթից հետո, աշակերտները դպրոցի երկու կողմից, արդեն ջահերով, մուտք գործեցին բակ։

Նրանք իրենց վառած ջահերը վեր պահելով` դասավորվեցին այնպես, որ վերևից նկատելի էր աշակերտների կազմած տարեթիվը` 1915։ Այնուհետև, ջահերը գետնին դնելով, նրանք խոնարհվեցին զոհերի հիշատակին, որից հետո կանգնեցին ու հանգիստ քայլերով հեռացան բակից։

Իսկ դպրոցի բակում մնացին վառվող ու ծխացող ջահերը, որպես չսպիացող վերքի մղկիտ։

Այս ֆլեշմովը հերթական անգամ գալիս է ապացուցելու, որ ոչինչ չի մոռացվել ու երբեք չի էլ կարող մոռացվել` ինչպես մի ամբողջ ժողովուրդ ցեղասպանվեց։ 

Միջոցառման իր եզրափակիչ խոսքում, տնօրեն Նունե Ղազարյանը դրական գնահատեց միջոցառման կազմակերպիչների մտահղացումը։ Նա, դիմելով աշակերտներին, նշեց, որ ինչպես այսօր` Եղեռնին նվիրված միջոցառմանը, այնպես էլ հետո` կյանքում, միշտ պետք է մեծ պատասխանատվությամբ վերաբերվել իրենց գործին, որովհետև հայրենիքի բարօրության ու մեր երկրի անունը բարձր պահելու համար, հարկավոր է լինել կազմակերպված, ուժեղ, հայրենասեր ու լավ իմանալ երկրի պատմությունը։ 

Նկարում` տնօրեն Ն. Ղազարյանը.

NEWSPRESS.am-ը ներկայացնում է դպրոցի ֆեյսբուքյան կայքէջը, որտեղ կարելի լուսանկարների միջոցով տեղափոխվել դպրոցի բակ ու «ներկա» լինել ֆլեշմոբին։

Ինչպես նաև ստորև ներկայացնում ենք նաև տեսանյութ, թե ինչպես են երեխաները ջահերով մտնում դպրոցի բակ։ 

Արմինե Մկրտումյան