Երուսաղեմում՝ Քրիստոսի գերեզմանի տաճարում, վառվել է Սուրբ կրակը (տեսանյութ)

Երուսաղեմի Տիրոջ գերեզմանի տաճարում ավելի քան 1 ժամ առաջ՝ Ավագ շաբաթ օրը, վառվել է Սուրբ կրակը: Արարողոթյանը տաճարի ներսում հետևել է 2400 մարդ, դրսում ևս լեփ-լեցուն է եղել, Սուրբ կրակին են սպասել ուխտավորներ աշխարհի տարբեր ծայրերից, հայտնում են միջազգային լրատվամիջոցները:

Ավանդույթի համաձայն՝ առաջինը Սուրբ Գերեզման են մտել Հայոց Կաթողիկոսության ներկայացուցիչները։

Կուվուկլիան ստուգվել է բոլոր եկեղեցիների ներկայացուցիչների կողմից, որոնք ծառայում են Սուրբ Գերեզմանին. այն չպետք է ունենա կրակ և վառելու ուղիներ:

Դրանից հետո ուղղափառ արաբները դափի ձայների ներքո եկել են տաճար՝ Քրիստոսին և Նրա Հարությունը փառաբանող վանկարկումներով՝ առանց որոնց անհնար է Սուրբ կրակի իջնելու արարողությունը: Այնուհետև Երուսաղեմի պատրիարք Թեոփիլոս III-ը Երուսաղեմի պատրիարքարանի ներկայացուցիչների հետ հանդիսավոր կերպով տաճար է մտել։ Կուվուկլիայի շուրջ երթից հետո պատրիարքը հագուստ է հագցրել՝ համոզվելով, որ ինքը ոչինչ չունի, որը կարող է ֆիզիկապես վառել կրակը։ Ապա պատրիարքը գնացել է Կուվուկլիա և աղոթքից հետո Սուրբ կրակն իջել է:

Կրակը տեսնելուց հետո ուխտավորները ողջունել են միմյանց և բացականչել՝ «Քրիստոս հարյավ, հարյավ», «իսկապես հարություն առավ», ապա կրակը փոխանցել են միմյանց և տաճարից դուրս հանել:

Ասվում է, որ Սուրբ կրակն ունի յուրահատկություն՝ առաջին րոպեներին այն չի այրվում, ունի մարդու մարմնի ջերմաստիճան և նմանվում է արևի տաք ճառագայթներին։ Ուստի երբ հավատացյալները «լվացվում են կրակով», օրհնում իրենց հագուստները, բոցավառություն չի լինում:

Ի դեպ, մուսուլմաններն այս օրերին նշում են Ռամադան, ուստի քաղաքում անվտանգությունն ապահովում են իսրայելական ոստիկանության մի քանի հազար ներկայացուցիչներ: