ՔՊ-ն, Թուրքիան և Ադրբեջանը երեքով միասին դատապարտում են դրոշ այրելը
Հայաստան ժամանած 12 ադրբեջանցի ծանրորդները և ադրբեջանական ամբողջ թիմը վերադարձավ Բաքու։
Ադրբեջանի երիտասարդության և սպորտի նախարարությունը, այդ երկրի օլիմպիական ազգային կոմիտեն համատեղ հայտարարություն են տարածել, ըստ որի՝ որոշվել է, որ իրենց պատվիրակությունն, այդ թվում՝ մարզիկները պետք է Երևանից վերադառնան Ադրբեջան, ինչն էլ կատարվել է։
Ադրբեջանական դրոշն այդպես էլ չծածանվեց Հայաստանում։
Կարեն Դեմիրճյանի անվան մարզահամերգային համալիրում գտնվող մի հայ՝ հայտնի դիզայներ Արամ Նիկոլյանը, երեկ երեկոյան Ծանրամարտի առաջնության բացման ժամանակ արեց այն, ինչը ցանկանում էին անել հարյուր հազարավոր զտարյուն հայեր։
Դրոշ այրելը սովորական մի քաղաքացիական ակցիա է, բայց Հայաստանում Փաշինյանի աչքի առաջ իր գործընկեր Ալիևի գլխի վերևում ծածանվող ադրբեջանական դրոշն այրելն ունեցավ շատ ավելի բազմաշերտ նշանակություն, ինչը Փաշինյանին ցույց տվեց, որ Հայաստանում ապրող մարդիկ իր և իր թիմի պես չեն ցանկանում ապրել Ադրբեջանի լծի տակ և ծնկաչոք։
Արամ Նիկոլյանի այս քաղաքացիական ակցիան բացահայտեց 2020 թվականի պատերազմի պարտությունից հետո թմբիրի մեջ գտնվող մեր ազգի ամենատարրական ինքնապաշտպանական բնազդը և արժանապատվությունը։
Արժանապատվություն, որովհետև հենց այն պահին, երբ համալիրում կառավարական աթոռներին էր բազմել Հայաստանի շահը չսպասարկող իշխանությունը, այդ նույն պահին ադրբեջանական բանտերում կտտանքների են ենթարկվում մի քանի տասնյակ հայ գերիներ, որոնց դատապարտում են դժոխքի միայն մի բանի համար՝ նրանք հայ են ու նրանց բաժին է ընկել մի պատերազմ, որի գերագույն գլխավոր հրամանատարը Նիկոլ Փաշինյանն էր։
Արժանապատվություն, որովհետև ընդամենը մի քանի օր առաջ Հայաստանում ադրբեջանցին սպանեց հային ու խոստացավ նորից հայի արյուն թափել։
Արժանապատվություն, որովհետև Արցախի 10 հազար քառակուսի կիլոմետրն օկուպացնելուց հետո Ադրբեջանն օկուպացել է Հայաստանին պատկանող տարածքը, թշնամու զորքը Հայաստանի սահմաններից ներս է մտել։
Բնականաբար, արժանապատվություն և թասիբ բառերն իմաստ չունեն արփիդավոյանների, հովիկաղազարյանների, անիսամսոնյանների և այս իշխանության այլ սպասարկուների համար։
Սպասարկուների համար չկա հայկական շահ․ մի բան, ինչն ատում են Ադրբեջանը և Թուրքիան։
Այդ երկրի նախագահի՝ Էրդողանի աշխատակազմն այսօր տարածել է հայտարարություն, որում ասվում է. «Ծանրամարտի Եվրոպայի առաջնության ժամանակ Երևանում ադրբեջանական դրոշի այրումը վանդալիզմի և հասարակական ոչ հարգալից վերաբերմունքի դրսևորում է»։
Եթե հանրագումարի բերենք այն, ինչ ունենք, կստացվի, որ ադրբեջանական դրոշն այրելուն դեմ են «Քաղաքացիական պայմանագիր» կուսակցությունը, Ադրբեջանը և Թուրքիան։
Այս եռամիասնության դատապարտող հայտարարությունների պատճառների մասին հետևությունները թողնում ենք մեր ընթերցողներին։
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
