Ադրբեջանի հերոսն ես դու. Փաշինյանը Հայաստանին տանում է ռազմատուգանք վճարելու ճանապարհով (լուսանկար)
Այսօր կառավարության անդամների հետ հարցուպատասխանի ժամանակ «Քաղաքացիական պայմանագիր» կուսակցության ղեկավար և Հայաստանի վարչապետ Նիկոլ Փաշինյանը հայտարարեց այն, ինչի մասին 30 տարի շարունակ երազել է Ադրբեջանը։
Փաշինյանի կարծիքով՝ 2007թ․ իշխանության փոխանցման շրջանում, երբ Սերժ Սարգսյանը վարչապետ էր, իսկ Ռոբերտ Քոչարյանը՝ նախագահը, այդ ժամանակ ի հայտ են եկել Մադրիդյան սկզբունքները, որտեղ ընդգծվել են և՛ տարածքային ամբողջականության սկզբունքը և՛ ինքնորոշման իրավունքի սկզբունքը:
«Արձանագրվում էր, որ պետք է ճշգրտվի Լեռնային Ղարաբաղի կարգավիճակը, ինչ-որ մեխանիզմով, և այդ ճշգրտման մեխանիզմն, ըստ էության, պետք է համաձայնեցված լինի նաև Ադրբեջանի կողմից: Այստեղ շատ լրջագույն կոնցեպտուալ փոփոխություն է տեղի ունեցել։ Լեռնային Ղարաբաղը պետք է լինի Ադրբեջանի կազմում, նոր միայն ինքնորոշվի, հակառակ դեպքում ումից պետք է ինքնորոշվի»:
Haqqin.az-ի գլխավոր հերոս Նիկոլ Փաշինյանը այսօր Ազգային ժողով էր գնացել հայտարարելու համար, որ Արցախը պետք է լինի Արդբեջանի մաս, որ ինքը հակառակ ուղղությամբ ոչինչ չի անելու։
Փաշինյանը նաև վտանգավոր հայտարարություն է արել, որով տվել է Ադրբեջանին լեգիտիմ հիմք բոլոր միջազգային կառույցներում պնդելու, որ Հայաստանը 30 տարի եղել է օկուպանտ։
Հայրենիքի ընկալման տարրական մակարդակ ունեցող յուրաքանչյուր ոք իրեն երբեք նման հայտարարություն թույլ չէր տա, որովհետև սեփական երկիրը օկուպանտ հռչակելով նույն միջազգային հանրությանը տալիս ես հնարավորություն Հայաստանին պարտավորեցնել 30 տարվա դիմաց Ադրբեջանին վճարել ռազմատուգանք, զրկվել սպառազինվելուց և բանակ ունենալուց։
Հայաստանի վարչապետը այսօր Ազգային ժողովում արել է մի հայտարարություն, որով Հայաստանը միջազգային հանրության կողմից կարող է հայտնվել տնտեսական ծանր սանկցիաների տակ։
Արցախի բանակցային գործընթացի մասին Փաշինյանի այսօրվա ասածները առերևույթ պետական դավաճանության մասին առանձին դրվագներ են, Գլխավոր դատախազության և քննչական մարմինների կողմից դրանց հետևից չգնալը՝ առերևույթ պետական դավաճանության օժանդակություն։
Այս համազգային խայտառակությունից օր առաջ ձերբազատվելը դարձել է ազգային անվտանգության խնդիր։
Այստեղ վճռական անելիք ունի օկուպանտ երկրի քաղաքացու բեռով ապրելու ցանկություն չունեցող ամեն մի հայ։
Ամեն հայ, ով չի ուզում, որ իր վարչապետը լինի Ադրբեջանի հերոսը, պետք է կամք ցուցաբերի՝ պաշտպանելու իր հողը թշնամուց։
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
