Աշխատանքային թրաֆիքինգի հերթական զոհը
Ազգային ժողովը այսօր վերածվել էր «Քաղաքացիական պայմանագիր» խմբակցության համազգային խայտառակության ցուցադրավայրի։
Ճակատագրի հեգնանքով մի քանի օր առաջ քաղաքացու իրավունքը ոտնահարած և նրա դեմքին թքած Ալեն Սիմոնյանը հայտարարեց, որ ԱԺ-ում քննարկվելու է Հայաստանի մարդու իրավունքների պաշտպանի թեկնածության հարցը։
Գլխավոր դատախազ Աննա Վարդապետյանի ընկերուհի Անահիտ Մանասյանի կենսագրությունը կարդալու պատիվը դարձյալ ճակատագրի հեգնանքով տրվեց մի քանի օր առաջ քաղաքացու ձեռքերը և լեզուն կտրելու սպառնալիք հնչեցրած «Քաղաքացիական պայմանագիր» խմբակցության պատգամավոր Արթուր Հովհաննիսյանին։
Անահիտ Մանասյանը կանգնել էր Ազգային ժողովի ամբիոնի մոտ, հպարտությամբ խոսում էր քաղաքացիների ոտնահարված իրավունքները պաշտպանելու իր պատրաստակամության, օրենքի և իրավունքի վերաբերյալ իր ստացած գիտելիքների մասին։
Դատարկ խոսքերից զատ, երբ հերթը հասավ գործին, Մանասյանը դարձավ կամազուրկ մի ֆիգուր՝ կանգնած երկրի գլխավոր ամբիոնի մոտ։
Նա վախեցավ մի բառ ասել իրեն առաջադրած «Քաղաքացիական պայմանագիր» խմբակցության պատգամավորների կողմից մարդու իրավունքների առերևույթ ոտնահարումների մասին։
Ազգային ժողովի դահլիճն ակադեմիական լսարանի հետ շփոթած սույն տիկինն իր կաշկանդվածությամբ, վախվորածությամբ և սերտած օրենքները պաշտպանելու իր կամքի բացակայության ցուցադրմամբ ցույց տվեց, որ գնում է ՄԻՊ գրասենյակ՝ պաշտպանելու բացառապես «Քաղաքացիական պայմանագիր» կուսակցության և նրա ղեկավարի իրավունքները։
Անահիտ Մանասյանը վերահաստատեց, որ պաշտոնը արտասահմանից լավ աշխատանքով փոխարինած Քրիստինե Գրիգորյանին ոչնչով չի զիջելու։
Քաղաքացու վրա թքելու, ականջները կտրելու, Ազգային ժողովի նիստերի դահլիճում պատգամավորին քացի տալու իշխանական մեծամասության տարատեսակ ներկայացուցիչների արձանագրած գործողությունների վրա աչք փակած Մանասյանը ամենավերջին ծառայամիտի վարքագիծ դրսևորեց։ Պահպանեց լռություն անգամ այն դեպքում, երբ հարցը վերաբերում էր զոհված զինծառայողների ծնողներին քարշ տալու դեպքերին։
Այլ խոսքով՝ իշխանական կապանքներով կապկպված Մանասյանն աշխատանքային ստրկության դատապարտեց իրեն։
Թե ինչ խոստացավ Անահիտ Մանասյանը՝ կամազուրկ այս իրավաբանը՝ խայտառակելով նաև իրավաբանի մասնագիտությունը, դառնում է պակաս կարևոր, որովհետև գլխավոր հարցն այն է, թե որքան կկարողանա դիմանալ այդ ստրկությանը։
Նիկոլ Փաշինյանը Ազգային ժողովից հայտարարել է, որ արգելել էր էկոնոմիկայի նախարար Վահան Քերոբյանին տալ հրաժարական, ինչը ցանկացած պաշտոնյայի իրավունքն է։
Փաշինյանը ցույց է տվել, որ իր իշխանության շրջանում պաշտոնավարումը դա աշխատաքային թրաֆիքինգ է, այնպես որ, ժամանակը ցույց կտա, թե որքան կդիմանա այդ աշխատանքային թրաֆիքինգին:
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
