Խաղաղության փոխարեն թշնամին Հայաստանի ներսից սպանում է հայ զինվորին
Ադրբեջանական զորքը ներխուժել է Հայաստանի տարածք և Հայաստանի տարածքի ներսից սպանում է հայ զինվորներին։
Սա այն խաղաղության օրակարգն է, որին հավատարիմ է Հայաստանի վարչապետ Նիկոլ Փաշինյանը։
Ինչ խոսք, գուցե Փաշինյանը հավատում է, որ Ադրբեջանը մեզ հետ խաղաղության պայմանագիր է ուզում կնքել և այդ հավատով պայմանավորված թշնամուն են հանձնվում Հայաստանի համար պատերազմական գործողությունների ժամանակ բարենպաստ դիրքերը, էականորեն անհավասար ու վտանգավոր պայմաններ ստեղծում մեր զինվորների համար։
Փաշինյանը գուցե հավատում է խաղաղությանը, բայց հայ զինվորներին սպանող Ալիևը ոչ, իսկ քանի որ խաղաղությունը չի կարող լինել միակողմանի գործընթաց, այն պետությունների մեջ պահանջում է փոխվստահություն ու փոխհամաձայնեցում, արդյունքում Հայաստանը ունենում է մարդկային և տարածքային կորուստներ, իսկ Ադրբեջանը՝ հաղթանակներ։
Ի տարբերություն Հայաստանի իշխանության, ադրբեջանականը խոսում է Երևան հասնելու մասին, փոխարենը Հայաստանի տարածքային ամբողջականության մասը համարվող տարածքները առանց սահմանագծման և սահմանազատման Ադրբեջանին հանձնող Հայաստանի իշխանության աչքի առջև թշնամին օկուպացնում է Հայաստանի տարածքները։
Այսօր Ադրբեջանը Հայաստանի 29800 քառակուսի կիլոմետր տարածքի հաշվին ձևավորում է չեզոք գոտի՝ միջդիրքային տարածք։
Կրկնում ենք՝ Ադրբեջանը իրականացնում է սահմանագծում իր սրտի ցանկությամբ և Հայաստանի տարածքների և հայ զինվորի կյանքի հաշվին այսօր ձևավորվում է չեզոք գոտի։
Արցախը տանք, որ հանգիստ ապրենք ասողները պատերազմը Արցախից բերել են Հայաստանի սահմաններից ներս։
Հրթիռակոծվում է Տեղ գյուղը, լարված է վիճակը բայց Նիկոլ Փաշինյանի ընտրազանգվածը հավատում է խաղաղությանը։
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
