Հանգիստ թքե՛ք ում վրա ուզում եք, կամ ինչո՞ւ Վարդապետյանն Ալեն Սիմոնյանի հետևից չգնաց
Վաղը սկսվելու է Ազգային ժողովի հերթական քառօրյան, ինչին մասնակցելու է Գլխավոր դատախազ Աննա Վարդապետյանը։
Նիկոլ Փաշինյան նախկին խորհրդականը հերթական անգամ կգնա խորհրդարան՝ ընդդիմադիր «Հայաստան» խմբակցության պատգամավորի անձեռնմխելիությունից զրկելու հարցով։
Համաձայն «Ազգային ժողովի կանոնակարգ» սահմանադրական օրենքի 108-րդ հոդվածի 1-ին կետի՝ նա 2023 թվականի ապրիլի 10-ին ՀՀ Ազգային ժողովի նախագահ Ալեն Սիմոնյանին է ներկայացրել ԱԺ պատգամավոր Մհեր Սահակյանի նկատմամբ հանրային քրեական հետապնդում հարուցելուն համաձայնություն տալու մասին միջնորդագիր:
Հարկ է ընդգծել, որ Աննա Վարդապետյանն ընդդիմադիր պատգամավոր Մհեր Սահակյանին անձեռնմխելիությունից զրկելու և նրա նկատմամբ քրեական գործ հարուցելու միջնորդություն է ներկայացրել Ալեն Սիմոնյանին, ով թքել է քաղաքացու վրա։
Ազգային ժողով չի ներկայացվել որևէ այլ միջնորդություն քաղաքացու վրա թքած կամ քաղաքացու ականջները կտրելու սպառնալիք հնչեցրած ՔՊ-ականների մասին։
Ստացվում է, որ Կառավարության նիստի ժամանակ Հայաստանի վարչապետ Նիկոլ Փաշինյանին դատախազության բալանսում գտնվող քրեական գործերի մասին մանրամասն զեկուցող Աննա Վարդապետյանն իր այս քայլով ցույց է տալիս, որ հարվածելը քրեորեն հետապնդելի արարք է, քաղաքացու աչքին թքելը, կամ լեզուն և ձեռքերը կտրելու սպառնալիքը՝ ոչ։
Եթե Աննա Վարդապետյանն Ալեն Սիմոնյանին և Արթուր Հովհաննիսյանին անձեռնխմելիությունից զրկելու և նրանց նկատմամբ քրեական հետապնդում հարուցելու միջնորդություն չներկայացնի Ազգային ժողով, դա նշանակում է, որ Հայաստանի բոլոր քաղաքացիներին թույլատրվում է թքել դիմացինի աչքի մեջ, սպառնալ և մնալ անպատիժ։
Եթե վերանանք քաղաքացու վրա թքող կամ քաղաքացու ձեռքերն ու լեզուն կտրելու սպառնալիք հնչեցրած ՔՊ-ական մանր-մունր քվազի գործիչներից, պետք է ընդգծել, թե ինչ խնդիր է լուծում Հայաստանի վարչապետի նախկին խորհրդականը հերթական անգամ Ազգային ժողովում ընդդիմադիր պատգամավորին անձեռնմխելիությունից զրկելու միջնորդությունով։
Հայաստանը և Արցախն ապրում են ծանրագույն օրեր. թշնամին Արցախում փորձում է հասնել բացարձակ հպատակեցման, իսկ Հայաստանի սահմանին՝ պատրաստվում նոր պատերազմի։
Ակնհայտ է, որ հայ-ադրբեջանական խաղաղության պայմանագիրը Նիկոլ Փաշինյանի ստորագրությամբ Հայաստանից տարածքների ուղղակի հանձնում է նշանակում Ադրբեջանին, գուցե, խիստ որոշակի կարճ «խաղաղության» համար։
Փաշինյանի առաջ դրված է Հայաստանի կապիտուլյացիան ստորագրելու հարցը, ինչը ունի աջակցություն 2018 թվականի իշխանազավթման մեջ մեծագույն ներդրում ունեցած Արևմուտքում։ Աշխարհաքաղաքական նման դասավորության պայմաններում Փաշինյանին պետք է ներհայաստանյան կյանքում հասնել դիմադրության օջախների ջլատման, ավարտին հասցնել իրեն պարտադրված օրակարգը՝ առանց խոչընդոտների, իսկ այն, որ Հայ Հեղափոխական դաշնակցությունն ազգասպան հարցերում կարողանում է դառնալ դիմադրության օջախ, դա փաստ է։
___________________________________________________
NEWSPRESS.am-ի ֆեյսբուքյան նոր էջին հետևեք այստեղ
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
