Ինչպես Արփինե Սարգսյանը փակեց Վահագն Ալեքսանյանի բերանը
Հայաստանի կառավարութան առաջարկով Ազգային ժողովի Պաշտպանության և անվտանգության հանձնաժողովում այսօր քննարկվում էր ՆԳՆ փրկարար ծառայության աշխատակիցների համար ատեստավորման համակարգ ներդնելու և աշխատավարձերը բարձրացնելու հարցը։
Ազգային ժողովի նիստերի դահլիճում ընդդիմադիր պատգամավորին քացի տալու ունակության շնորհիվ իրեն տղամարդ զգացող երեսփոխան «Քաղաքացիական պայմանագիր» խմբակցության պատգամավոր Վահագն Ալեքսանյանը, օգտվելով ուղիղ եթերի տված հնարավորությունից և նիստին ՆԳՆ փոխնախարար Արփինե Սարգսյանի մասնակցությունից, նրանից հետաքրքրվեց՝ իսկ քրեական վարույթ չե՞ն հարուցել Ազգային ժողովի բակում օրեր առաջ ակցիա անողների նկատմամբ, որոնց կողմից, ըստ Ալեքսանյանի, հնչել էր բռնության կոչ։
Հասկանալով պատգամավորի քացի տված և դրանից հետո օրենքով անպատիժ մնացած պատգամավորի հարցը՝ ՆԳՆ փոխնախարարն ասաց, որ այդ միջադեպով վարույթի հարուցման մասով իրենց նախարարությունը լիազորություն չունի, իսկ ոստիկաններն էլ եղել են ակցիայի վայրում, իրականացրել իրենց ծառայությունը։
Արփինե Սարգսյանն իր այս պատասխանով փակեց այն պատգամավորի բերանը, ում թիմակից Արթուր Հովհաննիսյանն Ազգային ժողովում սպառնացել է կտրել քաղաքացու ձեռքերը, ականջները և լեզուն։
Բնականաբար, եթե Վահագն Ալեքսանյանին հուզում էր օրենքի գերակայությունը և քրեական վարույթը, ապա ճիշտ կլիներ, որ առաջին հերթին հետաքրքվեր, թե 2017 թվականին թմրամիջոցի ապօրինի շրջանառության քրգործով անցած Արթուր Հովհաննիսյանի նկատմամբ ինչո՞ւ քրեական վարույթ չի նախաձեռնվում քաղաքացու լեզուն, ականջը կտրելու սպառնալիքի համար, որը ևս բռնության կոչ է։
Ալեքսանյանը կարող էր նաև հարցնել, թե իրեն ինչո՞ւ օրենքի ողջ խստությամբ չեն պատժել Ազգային ժողովի նիստի ընթացքում ընդդիմադիր պատգամավորին քացի տալու համար։
Բնականաբար, 2018 թվականին փողոցից միանգամից պատգամավոր դարձած Ալեքսանյանին հետաքրքրում էր ոչ թե օրինականությունը, այլ էժանագին մանիպուլյացիան, ինչի մեջ կատարելագործված են ողջ թիմով։
Ակնհայտ էր, որ ժողովրդավարության բաստիոնի անվան տակ մարդկանց դեմքին թքող, լեզուն կտրել սպառնացողները որևէ աղերս չեն կարող ունենալ պատգամավորական էթիկայի, օրենքի և իրավունքի գերակայության հետ, հակառակ պարագայում, իրավունքի գերակայությամբ երկրում ՔՊ-ականներին հիմա բանտերում կտեսակցեին իրավապաշտպանները։ Թեև խիստ կասկածելի է, որ Հայաստանում գտնվեն ազնիվ իրավապաշտպաններ, որոնք կունենան ցանկություն պաշտպանելու Արցախը և Հայաստանն այս օրին հասցրած որևէ մեկի։
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
