Թքածդ լիզեցիր, իսկ հրաժարականիդ հարցի հետ ի՞նչ ես անելու
Իրեն երևանցի տղա համարող, բայց իր թիկնապահներին մի անզեն քաղաքացու վրա քսի տվող, քաղաքացու դեմքին թքող Ալեն Սիմոնյանը թքելուց մի քանի օր հետո ներողություն է խնդրել Հայաստանի քաղաքացիներից։
Հիշեցնենք, որ Ալեն Սիմոնյանը թքել էր ոչ թե Հայաստանի քաղաքացի, այլ կանադահայ Կարեն Մկրտչյանի վրա։
Ալեն Սիմոնյանը իր թուքը կուլ տալով այսօր ներողություն Հայաստանի քաղաքացիներից, որովհետև առաջին հերթին շատ լավ հասկանում է, որ օր օրի Հայաստանում ավելանում են իրեն դավաճան անվանող քաղաքացիները, իսկ երկրորդ՝ այսպես գոնե կարելի է կանխել ՀՀ առաջին նախագահի կողմից արված առաջարկի կյանքի կոչելը։
Հիշեցնենք, որ Լևոն Տեր-Պետրոսյանն առաջարկել է Ազգային ժողովում քննարկել Սիմոնյանի հրաժարականի հարցը։
Ալեն Սիմոնյանն իր կարճ խելքով որոշել է կրքերը մարել ու ներողություն խնդրել ՀՀ քաղաքացիներից և ոչ թե սփյուռքահայից։
Սիմոնյանն իր այս տեքստով փորձում է հասկացնել, թե իր ներողությունը չի տարածվում Կարեն Մկրտչյանի վրա, որովհետև նա սփյուռքի ներկայացուցիչ է, ում կարծիքը իրեն չի հետաքրքրում։
Սիմոնյան Ալենը փորձել է ցույց տալ, թե թքած ունի սփյուռքահայի վրա այնպես, ինչպես ինքն ու իր թիմը՝ արցախցիների։
Մի կողմ թողնենք այն հանգամանքը, որ այսուհետ ՀՀ բոլոր քաղաքացիները հանգիստ կարող են արտահայտվել ու Ալեն Սիմոնյանի երեսին շպրտել «դավաճան» բառը, հատկապես, որ Սիմոնյանը խոստացել է չթքել, բայց կարևոր է ուշադրության կենտրոնում պահել նրա պաշտոնանկության հարցը։
Մի կեղծ ներողության տեքստ չի կարող ստվերել այն արդարացի հանրային պահանջը, որը այս օրերին ձևավորվել է պատերազմի պարտության հետևանքով թմբիրի մեջ հայտնված ու իշխանության շարունակական ստերին հավատացած մարդկանց շրջանում։
Թքածը լիզելու ալենսիմոնյանական կեղծավորությունը չպետք է նաև հանգստացնի Ազգային ժողովի երկու ընդդիմադիր խմբակցություններին, որոնք պետք է հետամուտ լինեն թքան ԱԺ նախագահի հեռացման հարցը օրակարգում պահելուն ու և օգտագործեն խորհրդարանական բոլոր լծակները այդ նպատակի համար։
«Քաղաքացիական պայմանագիր» խմբակցության ներսում առկա խմորումները ևս խոսում են այն մասին, որ այդ խմբակցությունը ոչ միանշանակ է վերաբերում Սիմոնյանի պահվածքին, իսկ սա նշանակում է, որ ընդդիմությունը, հասարակական սեկտորը, արժանապատվության զգացողություն ունեցող մարդիկ պարտավոր են մինչև վերջ տանել հրաժարականի հարցն ու այն վերջնականապես հասցնել իր հանգրվանին։
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
