ՀՀ Ազգային Ժողովը զրկվել է օրենսդիր իշխանությունն իրականացնելու հեղինակությունից․ «Զարթոնք»
«Զարթոնք» ազգային քրիստոնեական կուսակցության գործադիր մարմինը հաղորդագրություն է տարածել․
«Վերջին օրերին Ազգային ժողովում իշխող կուսակցության անդամ պատգամավորների մասնակցությամբ տեղի ունեցած իրադարձությունները խիստ մտահոգիչ են:
Հաստատված փաստ է, որ նշված պատգամավորներն ի վիճակի չեն պաշտպանելու Հայաստանի շահերը թուրք-ադրբեջանական փափուկ և կոշտ ճնշումների ժամանակ:
Պետության թշնամիների հետ հարաբերություններում իշխանական պատգամավորների «համարձակությունը» հանրությունը չի տեսնում: Փոխարենը իշխանական պատգամավորների «համարձակությունը» լկտիության տեսքով պարզ երևում է նրանց քաղաքական հակառակորդների նկատմամբ:
Իշխանական պատգամավորների կողմից Ազգային ժողովի մարդու իրավունքների պաշտպանության և հանրային հարցերի մշտական հանձնաժողովի նիստում ՄԻՊ թեկնածուի նկատմամբ փողոցային մակարդակի ճնշումները, ինչպես նաև դրան նախորդած իրադարձությունները ուղղակիորեն վնասում են երկրի իրավական անվտանգությունը:
Իրավական անվտանգության հիմնախնդիրը Սահմանադրության մեջ արտացոլված է մի շարք ուղղություններով, որի հիմնական նպատակը պայմանավորված է իրավունքի գերակայության սկզբունքի իրացման, մարդու հիմնական իրավունքների և ազատությունների երաշխավորման սահմանադրական կառուցակարգերը նախատեսելու և կատարելագործելու, իշխանությունների լիարժեք հավասարակշռումն ապահովելու, հանրային կառավարման արդյունավետությունը բարձրացնելու անհրաժեշտությունից:
Ազգային ժողովի պատգամավորների 66,3 տոկոս մանդատ ունեցող իշխանական պատգամավորներն ըստ էության կարող են միակողմանի (առանց ընդդիմության) անարգել ընդունել ցանկացած օրենք ու իրականացնել ազգային ժողովի այլ գործառույթները (ընտրել վճռաբեկ դատարանի դատավորներին, բարձրագույն դատական խորհրդի անդամներին, մարդու իրավունքների պաշտպանին, գլխավոր դատախազին և այլն):
Եվ այս պարագայում, երբ ընդդիմության ներկայացուցիչների զինանոցում մնացել է միայն ազատ խոսքը և թեկնածուների առաջադրման անարդյունավետ գործիքը, իշխանական պատգամավորների ագրեսիվ կեցվածքը սահմանափակում է նաև ժողովրդավարական այս «փշրանքները»:
«Զարթոնք» ազգային քրիստոնեական կուսակցության գործադիր մարմինը խստորեն դատապարտելով ՀՀ ազգային ժողովի իշխանական պատգամավորների վերոհիշյալ վարքագիծը, գտնում է, որ ութերորդ գումարման ՀՀ ազգային ժողովը զրկվել է օրենսդիր իշխանությունն իրականացնելու հեղինակությունից և անկախությունից»։
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
