«Եթե դուք իմ հետևից համառորեն գաք, ես համառորեն կասեմ՝ հետևեք պաշտոնական լրահոսին. ճանապարհ տվեք». ՊՆ փոխնախարարը խուսափում էր լրագրողներից

Պաշտպանության փոխնախարար Արման Սարգսյանը ԱԺ-ում խուսափեց պատասխանել լրագրողների հարցերին, որոնք վերաբերում էին սահմանային իրադարձություններին:

«Հետևեք պաշտոնական լրահոսին»,- ասաց նա:

Սակայն տեսնելով, որ լրագրողները  «շրջափակել են» իրեն ու շարունակում են հարցեր տալ, փոխնախարարը խդրեց իրեն ճանապարհ տալ:

«Ճանապարհ տվեք, ժողովուրդ»,-ասաց նա:

Լրագրողները նկատեցին, որ պաշտոնական լրահոսից իրենք ոչ մի կոնկրետ բան չեն կարողանում իմանալ և խնդրեցին պարզաբանել պաշտոնական լրահոսից վերցրած հայտարարություններ, սակայն Սարգսյանը հրաժարվեց դա անել:

«Ճանապարհ տվեք, ժողովուրդ, ճամփա տվեք»,-կրկնեց նա:

Տեսնելով, որ լրագրողները «չեն նահանջում»՝ Արման Սարգսյանն ասաց. «Եթե դուք իմ հետևից համառորեն գաք, ես համառորեն կասեմ՝ հետևեք պաշտոնական լրահոսին»:

Լրագրողները հորդորեցեցին «համռորեն» դուրս շպրտել թշնամուն. հարցին՝ ո՞վ է կապել բանակի ձեռքերը, Սարգսյանն արձագանքեց. «Մեր ձեռքերը ոչ մեկ չի կապել»,-ասաց նա ու ավելացրեց. «Իմ ազատ տեղաշարժվելու իրավունքը մի սահամանափակեք՝ ճանապարհ տվեք»:

Այնուհետև դարձյալ հորդորեց հետևել պաշտոնական լրահոսին;

«Պաշտպանության նախարարությունն ունի լրատվական ծառայություն, որը պարբերաբար օպերատիվ կերպով արձագանքում է յուրաքանչյուր խնդրին ու ներկայացնում է պաշտոնական տեղեկատվություն, որը հենված է վերլուծության, օպերատիվ տեղեկության, արդեն իսկ ստուգված տեղեկատվության վրա։ Մենք փոքր երկրում ենք ապրում, հնարավոր չէ մի բան թաքցնել»,- ընդգծեց Արման Սարգսյանը։