Ինչու է Փաշինյանը զորքին հեռացնում դիրքերից ու դրանք հանձնում սահմանապահներին
Հայաստանի սահմաններին կանգնած զորքը Հայաստանի վարչապետ Նիկոլ Փաշինյանի հրահանգով հետ է քաշվել, իսկ կանոնավոր բանակին փոխարինում է Ազգային անվտանգության ծառայության սահմանապահ զորքը։
Սա փաստ է, որի մասին այսօր հայտարարել է Հայաստանի վարչապետը։
«Ինչպես տեղյակ եք՝ 2022 թվականի օգոստոսին Ադրբեջանի ու ԼՂ իշխանությունների միջև կայացած համաձայնության արդյունքում՝ Լաչինի միջանցքի երթուղին փոխվեց նոր ճանապարհի գործարկմամբ, բայց քանի որ Լաչինի միջանցքը Հայաստանին կապող ճանապարհն ամբողջությամբ պատրաստ չէր, գործարկվեց ժամանակավոր երթուղի, որը մուտք էր գործում ՀՀ տարածք Կոռնիձորի կամրջով, ապա նորից Ադրբեջանի տարածք, ապա նորից ՀՀ տարածք։
Ձեռք բերված պայմանավորվածության համաձայն՝ այդ երթուղին պետք է գործեր մինչև 2023 թվականի ապրիլի 1-ը։ Նախօրեին մենք ադրբեջանական կողմին տեղեկացրել ենք, որ, համաձայն պայմանավորվածության, Կոռնիձորի կամրջից հետո ճանապարհը շարունակվելու է միայն ՀՀ տարածքով ու ՀՀ սահմանապահ զորքերը ստանձնելու են այդ հատվածում ՀՀ պետական սահմանի պահպանությունը։ Ընդգծեմ, որ սահմանապահ զորքերը տեղակայվելու են ՀՀ պետական սահմանի այն նույն դիրքերում, որտեղ մինչ օրս ՊՆ ստորաբաժանումներն էին տեղակայված»,-ասել է Նիկոլ Փաշինյանը։
Սա առաջին դեպքը չէ, երբ Փաշինյանը զորքին հետ քաշվելու հարման է տալիս։ Նման մի փորձ նա ունեցել է նախկինում ևս, երբ Ռուսաստանում Հայաստանի դեսպան, նախկինում Պաշտպանության նախարար Վաղարշակ Հարությունյանին Սյունիքի դիրքերից զորքը հետ քաշելու հրաման էր տրվել։
Հրամանը կատարվել է, իսկ դրա արդյունքում Սյունիքը դարձել է ոչ թե անվտանգ, ինչպես խոստանում էր իշխանությունը, այլ խիստ վտանգավոր մարզ։
Հիմա նույնի կրկնությունն է։ Նիկոլ Փաշինյանը հետևողականորեն հայկական բանակը փոխարինում է Ազգային անվտանգության ծառայության սահմանապահ զորքով և լռում է այն վտանգների մասին, որին բախվելու է երկիրը իր այդ որոշումից հետո։
Հայաստանի վարչապետը Հայաստանի բանակը փոխարինում է սահմանապահ զորքով և դրանով իսկ բավարարում Ալիևի կողմից իր առջև դրված պահանջը։
Իսկ Ալիևը պահանջել է հետևյալը. «Հայկական բանակ չպետք է լինի։ Մենք երբեք թույլ չենք տա, որպեսզի մեզ համար սպառնալիք ստեղծվի, կամ ազատագրված տարածքներ վերադարձող մեր քաղաքացիների համար վտանգներ ի հայտ գան»:
Հիմա ի՞նչ է Հայաստանի վարչապետի արածը, եթե ոչ Ալիևի պահանջի բավարարում, երբ Ադրբեջանում տեղի է ունենում տրամագծորեն հակառակը՝ զինվում ու հզորանում է կանոնավոր բանակը։
Եթե հիշենք, որ պատմականորեն ապացուցված փաստ է, որ պատերազմներում կռվում են կանոնավոր բանակները ոչ թե կամավորները կամ ԱԱԾ սահմանապահ զորքերը, մեզ համար տեսանելի կդառնան այն վտանգները, որի առաջ կանգնելու է ապամոնտաժված անվտանգության համակարգ ունեցող մեր երկիրը։
Գագիկ Ծառուկյանին 2 անգամ փոքր մահճակալի վրա են ստիպել քնել, Արեգնազ Մանուկյանին արգելում են անգամ...
Ստեփանավանի քաղաքապետը տունը կառուցելուց հետո հյուրանոց է սարքում. «Ժողովուրդ»
Փաշինյանը որոշել է «ժերտվա տալ» մերձավորներին. «Հրապարակ»
Գագիկ Ծառուկյանը հայտարարություն է տարածել
Շահումյանցի Ժիրոն ու նրա «կլանը»՝ կրկին մեղադրյալի աթոռին. «Հրապարակ»
Դավթաշենում շենքի բակում հայտնաբերվել է 16-ամյա աղջկա մարմին
Պաշտոնանկություններ ՀՀ էկոնոմիկայի նախարարությունում. ArmLur.am
Ներիշխանական խմորումներ. ում են «քցել» և ում են դեռ «քցելու» ՔՊ-ականները՝ Փաշինյանի հրահանգով. «Հրապ...
Լարված իրավիճակ նիստին. Սուտ չեմ խոսում, տղամարդավարի խոսք տվեցիք, ձեր խոսքին տեր չկանգնեցիք
Իրանը հարվածել է Հորդանանում գտնվող ամերիկյան Ալ-Ազրաք ռազմաբազային
