Անմեղսունակներն ու Պուտինի ձերբակալումով երջանկացողները Հայաստանը մղում են Թուրքիայի գիրկը
Սահմանադրական դատարանը մարտի 24-ին հրապարակեց Միջազգային քրեական դատարանի Հռոմի կանոնադրությունում ամրագրված պարտավորությունների՝ (Հռոմի ստատուտ) Սահմանադրությանը համապատասխանության վերաբերյալ որոշում, համաձայն որի` Հռոմի ստատուտը համապատասխանում է ՀՀ Սահմանադրությանը։
Հիշեցնենք, որ այս հարցով Սահմանադրական դատարան էր դիմել Հայաստանի Կառավարությունը և հիմնավորել, որ այդ եղանակով հնարավորություն է ստեղծվում Ադրբեջանին պատասխանատվության կանչելու՝ պատերազմական հանցագործությունների դեպքերով։
Պոպուլիստական հայտարարություններով 5 տարի կառավարող և այդ 5 տարվա ընթացքում Ալիևի հոխորտանքներին չպատասխանող Հայաստանի իշխանությունը իր այս հայտարարությամբ ուզում է ցույց տալ, թե այս համաձայնագիրը Ազգային ժողովում վավերացնելով կարող է Ալիևին կամ ադրբեջանցի այլ պաշտոնյայի քարշ տալ միջազգային դատարան։
Բնականաբար բերված հիմնավորմումը մեղմ ասած ծիծաղելի է Ալիևի դեպքում։
Բռնապետական երկրի այս ղեկավարին աշխարհը չի պատժում անգամ ամենաբարձր միջազգային դատական ատյանի՝ Հաագայի դատարանի որոշումը չկատարելու համար։
Այսքանից հետո հույս ունենալ, որ միջազգային որևէ դատարանի որոշում բռնապետ Ալիևը և նրա վարչակազմը կկատարի, անմեղսունակության շարքից է։
Խնդիրն այն է, որ այդ անեմղսունակությունը վտանգներ է առաջացնում Հայաստանի գոյության համար։
Հռոմի ստատուտը եթե Ազգային ժողովում «Քաղաքացիական պայմանագիր» խմբակցությունը վավերացնի, դա նշանակում է, որ Վլադիմիր Պուտինը կձերբակալվի, եթե այցելի Հայաստան։
Թե ինչու է Հայաստանը միացել Պուտինին պատժելու գործընթաց սկսած արևմուտքի ծրագրին, դրա ծանր հետևանքները չգիտակցող Ալեն Սիմոնյանը ասել է. «Ուրախ կլինի տեսնել, թե ինչպես են ձերբակալում Պուտինին»։
Ծանր հետևանքների մասին Հայաստանի իշխանությանը զգուշացրել են Ռուսաստանից։
«Մոսկվայում բացարձակապես անընդունելի են համարում Միջազգային քրեական դատարանի հռոմեական կանոնադրությանը միանալու վերաբերյալ պաշտոնական Երևանի ծրագրերը՝ Ռուսաստանի ղեկավարության նկատմամբ վերջերս ՄՔԴ-ի անօրինական և իրավաբանորեն ոչինչ չներկայացնող «օրդերների» համատեքստում», –TASS-ին փոխանցել է Ռուսաստանի ԱԳՆ-ում իր աղբյուրը։
Ծանր հետևանքների մասին է հայտնել նաև Ռուսաստանի հայ գործարարների շրջանակը։
«Տաշիր» ընկերությունների խմբի ղեկավար Սամվել Կաապետյանը անթույլատրելի է համար վտանգել Հայաստանի և Ռուսաստանի դարավոր բարեկամական կապերը։
«Նման գործողությունները ուղղակիորեն վտանգում են հայ–ռուսական հարաբերությունները ինչպես տնտեսական, այնպես էլ քաղաքական, ռազմական և մշակութային փոխգործակցության հարցում»։
Ստացվում է, որ բացի իշխող «Քաղաքացիական պայմանագիր» կուսակցությունից ու դրա ղեկավարից, բոլոր զգում են Ռուսաստանի հետ թշնամանալու վտանգները, չի զգում և ընդդեմ ռուսական գործոնի է աշխատում ՔՊ-ն և դրանով Հայաստանին անուղղակիորեն մղում Թուրքիայի գիրկը։
Գագիկ Ծառուկյանին 2 անգամ փոքր մահճակալի վրա են ստիպել քնել, Արեգնազ Մանուկյանին արգելում են անգամ...
Ստեփանավանի քաղաքապետը տունը կառուցելուց հետո հյուրանոց է սարքում. «Ժողովուրդ»
Փաշինյանը որոշել է «ժերտվա տալ» մերձավորներին. «Հրապարակ»
Գագիկ Ծառուկյանը հայտարարություն է տարածել
Շահումյանցի Ժիրոն ու նրա «կլանը»՝ կրկին մեղադրյալի աթոռին. «Հրապարակ»
Դավթաշենում շենքի բակում հայտնաբերվել է 16-ամյա աղջկա մարմին
Պաշտոնանկություններ ՀՀ էկոնոմիկայի նախարարությունում. ArmLur.am
Ներիշխանական խմորումներ. ում են «քցել» և ում են դեռ «քցելու» ՔՊ-ականները՝ Փաշինյանի հրահանգով. «Հրապ...
Լարված իրավիճակ նիստին. Սուտ չեմ խոսում, տղամարդավարի խոսք տվեցիք, ձեր խոսքին տեր չկանգնեցիք
Իրանը հարվածել է Հորդանանում գտնվող ամերիկյան Ալ-Ազրաք ռազմաբազային
