Երեք մատի կոմբինացիա քեզ, թե մետրո կկառուցես. Հրանտ Բագրատյան
«2015 թվականին Սահմանադրության փոփոխությամբ ընդունեցինք, որ ՏԻՄ-երն ինքնակառավարվող են՝ ինքնաբավ բյուջե ունենալով»։ Այս մասին ասուլիսի ժամանակ ասաց ՀՀ նախկին վարչապետ, տնտեսագետ Հրանտ Բագրատյանը:
Մատնանշելով ՏԻՄ օրենքը՝ նա նշեց, որ այդ օրենքում ամրագրված է միայն հողի և գույքի հարկերը որպես եկամտի աղբյուր: Բագրատյանն ասաց, որ աշխարհում չկա մի դեպք, որ այդ հարկերը բավարարեն ՏԻՄ-երի կարիքների հոգալուն:
Բագրատյանի գնահատմամբ՝ որպեսզի ՏԻՄ-երին գումարը բավարարի, պետք է գույքահարկը բարձրացվի կամ շահութահարկից և եկամտահարկից մասհանում արվի, ինչն արվում է ողջ աշխարհում:
«Հայաստանում այդպես չէ. բոլոր փողերը ստանում է Նիկոլ Փաշինյանը, կենտրոնական կառավարությունը: Արդյունքում Փաշինյանի օրոք ՏԻՄ բյուջեից տեսակարար կշիռը համախմբված բյուջեում՝ 12 %-ից իջավ 8 %-ի: Քանդում է տեղական ինքնակառավարումը»,- հայտարարեց Բագրատյանը:
Նա նշեց նաև, որ խոշորացման անվան տակ 800 գյուղի փոխարեն ստեղծվեց 78 համայնք՝ կառավարությունը հայտարարեց, որ բյուջեն կմեծանա, բայց նույն բյուջեն է մնացել, փոփոխություն չկա։
«Ժողովրդի մի մասը, որն անհաղորդ է ինտելեկտ հասկացությանը՝ ականջներով ծափ էր տալիս, թե՝ էս ինչ լավ բան եք անում»,- ասաց Բագրատյանը, բայց նկատեց, որ դրանով խնայողություն են անում գյուղապետարանների վրա, սակայն եթե գյուղապետարան չլինի, գյուղն էլ չի լինի:
Ինչ վերաբերում է Երևանին, ապա նա նկատում է, որ, օրինակ, իր իշխանության օրոք Երևանը ստանում էր շահութահարկի և եկամտահարկի 30% և այսօր Երևանի բյուջեն պետք է լինի նվազագույնը 400 մլդ դրամ, իսկ այս տարվա բյուջեն 105 մլրդ է:
«Այն 3 տրիլիոն ծախսերի մեջ Երևանի բյուջեն կազմում է 3%: Քաղաքը, որն արտադրում է երկրի ՀՆԱ-ի 60 %-ը, ունի բյուջեի 3 %-ը»,- ասաց նախկին վարչապետը և հավելեց. «Էս մարդը, որը ձեզ զրկել է բյուջեից, ելնում, ասում է՝ ձեզ մետրո կկառուցեմ: Երեք մատի կոմբինացիա, թե մետրո կկառուցես: Այն հնարավոր է կառուցել միայն կենտրոնական բյուջեի հաշվին, հետևաբար, եթե կենտրոնական բյուջեն պետք է ֆինանսավորի մետրոյի շինարարությունը, ապա այն Նիկոլ Փաշինյանի ծրագիրն է, այլ ոչ թե քաղաքապետարանինը»,- ասաց Բագրատյանը և հայտարարեց, որ այսպիսի կոռուպցիա երբեք չի եղել Հայաստանի Հանրապետությունում:
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
