Նիկոլը խաբել, խաբում և շարունակելու է խաբել այնքան ժամանակ, քանի դեռ մենք ուզում ենք խաբված լինել. Էդուարդ Շարմազանով

Նիկոլը խաբել,խաբում և շարունակելու է խաբել այնքան ժամանակ,քանի դեռ մենք ուզում ենք խաբված լինել։ Այս մասին տելեգրամյան իր էջում գրել է ՀՀԿ ԳՄ անդամ Էդուարդ Շարմազանովը:

«Նոյեմբերի 9-ի երեկոյան Փաշինյանն ասում էր՝Շուշիի համար մարտերը շարունակվում են, բայց երկու-երեք ժամ հետո կապիտուլյացիա ստորագրեց։

Պատերազմի առաջին օրը ԱԺ-ում նա ասում է՝ պատերազմ չլինելու գինը հինգ շրջանների հանձնումն է, բայց պատերազմից հետո ասում է՝ պատերազմը Շուշիի համար է եղել։

Հոկտեմբերի 19-ին իմ հարցին ի պատասխան ասում է՝ պատերազմը կանգնեցնելու գինը «5 պլյուս 2» շրջանի հանձնումն է, բայց շարունակում է պատերազմը մինչև Շուշիի անկումը։

Իսկ «5 պլյուս 2»-ի մեջ Շուշին ու Հադրութը չի մտնում։

Նույն Նիկոլը պատերազմից հետո ԱԺ-ում ասում է՝ Շուշիի հարցը բանակցվել է, բայց ՀՀ ԱԳՆ-ը խոսնակը հերքում ու խաբեբա է հանում Նիկոլին՝ ասելով, որ մինչև 44-օրյա պատերազմը Շուշիի հարց ընդհանրապես չի քննարկվել։

Ավելին 2020-ի նոյեմբերի 17-ին ՌԴ նախագահ Պուտինն ասում է՝ Շուշին պետք է մնար հայկական վերահսկողության տակ։ Բայց Նիկոլը տվեց Շուշին ու ոչ միայն Շուշին։

Պատերազմից հետո նա զիջեզ Գորիս-Կապան ճանապարհի ՀՀ ինքնիշխան տարածքի 21 կմ, իսկ 2022-ի օգոստոսին Լաչինը,Աղավնոն ու Սուսը՝ հայաթափելով այդ բնակավայրերը։ Բայց Նիկոլը շարունակում է այսքանից հետո կառավարել։

Շարունակում է, քանի որ մենք «հորթի հրճվանքով» հոժարակամ հավատում ենք Նիկոլի ստերին։

Իսկ ստի մեջ ապրող ազգերն արժանի չեն անկախ հայրենիք ունենալ։ Սա է փաստը։

Ես էլ արժանի չեմ ու ոչ մեկ արժանի չէ,քանի դեռ այսպիսինն է իրականությունը։

Հ.Գ. Ես հոռեսես չեմ,բայց լավատետության հիմք էլ չեմ տեսնում։

Ինչպե՞ս են անկում ապրում պետությունները նայեք այսօրվա Հայաստանին ու կիմանաք՝ պատրանքների ու ինքնախաբեության մեջ ապրելով»,-գրել է նա։