Մենք բոլորս ունենք պարտականություն՝ մեր ունեցած հայրենիքը շատ պինդ գրկելու և մեր ժառանգածը փոխանցելու մեր հաջորդ սերունդներին. Աբրահամյանը՝ աշակերտներին
«Աշոտ Նավասարդյանը, որը եղել է Հայաստանի հանրապետական կուսակցության հիմնադիր-նախագահ, հայ ժողովրդի ապագան կապել է ազատ, անկախ եւ միացյալ Հայաստանի հետ»,- ասել է «Պատիվ ունեմ» խմբակցության ղեկավար Հայկ Մամիջանյանը խորհրդարան այցելած Երեւանի Աշոտ Նավասարդյանի անվան թիվ 196 հիմնական դպրոցի աշակերտների եւ ուսուցիչների հետ հանդիպմանը:
Պատգամավորն անդրադարձել է Հայաստանի պետական կառավարման համակարգին, նշել, որ Ազգային ժողովն առաջնային մանդատ ունեցող քաղաքական միակ կառույցն է: Նա խոսել է նաեւ խորհրդարանի վերահսկողական գործառույթի, ինչպես նաեւ ընդդիմադիր խմբակցության գործունեության մասին:
Աշոտ Նավասարդյանի հետ ունեցած անձնական շփումների մասին է խոսել «Պատիվ ունեմ» խմբակցության պատգամավոր Տարոն Մարգարյանը: Նա տեղեկացրել է, որ կուսակցությանն անդամակցելու ժամանակ Աշոտ Նավասարդյանն է եղել իր երաշխավորը: Տարոն Մարգարյանը կարեւորել է որակյալ կրթություն ստանալը, դպրոցականներին հորդորել է լավ սովորել, լինել հայրենասեր ու հայրենիքի նվիրյալ:
Շիրակի մարզի խնդիրներին վերաբերող հարցին անդրադարձել է ԱԺ «Պատիվ ունեմ» խմբակցության պատգամավոր Մարտուն Գրիգորյանը: Նա նշել է, որ 1988 թվականի ավերիչ երկրաշարժից հետո մարզում մեծածավալ աշխատանքներ են իրականացվել: «Այսօր Գյումրին գեղեցիկ, ուրախ քաղաք է եւ գրավում է բազմաթիվ զբոսաշրջիկների»,- ընդգծել է պատգամավորը:
Իսկ ի՞նչ է հայրենիքը հարցին «Պատիվ ունեմ» խմբակցության քարտուղար Տիգրան Աբրահամյանը նշել է, որ այն սկսվում է հայրենի հողից, որը դարերի ընթացքում բազմաթիվ հայորդիների արյան գնով պաշտպանվել եւ փոխանցվել է մեզ:
«Մենք բոլորս ունենք պարտականություն՝ մեր ունեցած հայրենիքը շատ պինդ գրկելու, կառուցելու, պաշտպանելու եւ մեր ժառանգածը փոխանցելու մեր հաջորդ սերունդներին»,- ասել է Տիգրան Աբրահամյանը:
ԱԺ «Քաղաքացիական պայմանագիր» խմբակցության պատգամավոր Հակոբ Ասլանյանն էլ, դիմելով աշակերտներին, հորդորել է զերծ մնալ կեղծ բարեպաշտությունից, կեղծ հայրենասիրությունից եւ ձգտում ունենալ դառնալու մեր երկրի մի փոքրիկ մասնիկը:
Հյուրերը շրջայց են կատարել Ազգային ժողովում, ծանոթացել խորհրդարանի աշխատանքային անցուդարձին:
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
