Ուկրաինան ձգտում է «հոգևոր անկախության». Զելենսկի

Զելենսկին և ուկրաինացի այլ առաջնորդներ մեղադրել են վաղուց հաստատված ուկրաինական ուղղափառ եկեղեցուն՝ ուկրաինական միասնությունը խաթարելու մեջ: Այս մասին գրում է The Jerusalem Postը:

Ուկրաինայի նախագահ Վլադիմիր Զելենսկին կիրակի օրը հայտարարել է, որ Ուկրաինայի պատժիչ գործողությունները ուղղափառ եկեղեցու մի ճյուղի դեմ, որը կապված է Ռուսաստանին, «հոգևոր անկախության» հասնելու մղման մի մասն է:

Զելենսկին և ուկրաինացի այլ առաջնորդներ մեղադրել են վաղուց կայացած ուկրաինական ուղղափառ եկեղեցուն (UOC), որը գտնվում է Ռուս ուղղափառ եկեղեցու եկեղեցական իրավասության ներքո, ուկրաինական միասնությունը խաթարելու և Մոսկվայի հետ համագործակցելու մեջ:

Անցյալ ուրբաթ իշխանությունները հրամայեցին եկեղեցուն լքել իր բազան՝ 980-ամյա Պեչերսկի Լավրայի վանական համալիրում, ինչից հետո ռուս ուղղափառ պատրիարք Կիրիլը խնդրել էր Հռոմի պապ Ֆրանցիսկոսին և այլ կրոնական առաջնորդներին օգնել դադարեցնել բռնաճնշումները:

«Մեր հոգևոր անկախության ամրապնդմանն ուղղված ևս մեկ քայլ արվեց այս շաբաթ», - ասել է Զելենսկին իր գիշերային տեսաուղերձում` ուղղակիորեն չանդրադառնալով հրամանին:

Ուկրաինացիները, նրա խոսքով, դրական են արձագանքել։

«Մենք շարունակելու ենք այս շարժումը: Մենք թույլ չենք տա որևէ հնարավորություն շահարկել մեր ժողովրդի հոգևոր կյանքը, ոչնչացնել ուկրաինական սրբավայրերը՝ մեր Լավրաները, կամ գողանալ նրանցից արժեքները»,-ասել է նա:

Ուկրաինայի Անվտանգության ծառայությունը հոկտեմբերից խուզարկություններ է իրականացրել Ուկրինական ուղղափառ եկեղեցիներում, պատժամիջոցներ կիրառել նրա եպիսկոպոսների և ֆինանսական աջակցողների նկատմամբ և քրեական գործեր հարուցել տասնյակ հոգևորականների նկատմամբ։ Եկեղեցու պաշտոնյաներն ասում են, որ այն և նրա միլիոնավոր երկրպագուները վհուկների որսի զոհ են դարձել:

Ուղղափառությունն Ուկրաինայում առաջնային հավատքն է, և Մոսկվայի հետ կապված եկեղեցին հավատացյալների համար մրցում է անկախ Ուղղափառ եկեղեցու հետ, որը հիմնադրվել է 1991 թվականին ԽՍՀՄ փլուզումից հետո, բայց եկեղեցական հիերարխիայի կողմից ճանաչվել է միայն 2018 թվականին:

Անկախ եկեղեցին մեծացավ և գոյատևեց ներխուժումից ի վեր։

Ուկրաինայի մշակույթի նախարարությունը հայտնում է, որ Մոսկվայի հետ կապված եկեղեցին պետք է լքի Պեչերսկի Լավրայի վանական համալիրը մինչև մարտի 29-ը։