Արայիկ Հարությունյանը հեռանում է. Փաշինյանի հետ հանդիպումից հետո արագացնում է գործընթացը
Անցյալ շաբաթ Արցախի նախագահ Արայիկ Հարությունյանը Երևանում հանդիպում է ունեցել Հայաստանի վարչապետ Նիկոլ Փաշինյանի հետ։ Փաշինյանը Արցախի նախագահին ոչ մի հուսադրող խոսք չի ասել և հորդորել է կամ ընտրել Ադրբեջանի առաջարկը և դառնալ այդ երկրի ազգային փոքրամասնություններից մեկը, կամ ընտրել Ադրբեջանի հետ պատերազմի ճանապարհը, բայց այդ դեպքում հավաստիացրել է, որ Հայաստանը զորքով և զենքով չի կանգնելու Արցախի կողքին:
Հարությունյանը Արցախ է վերադարձել Հայաստանից հույսը կտրած և ավելի է արագացրել իր հրաժարականի գործընթացը: Այս շաբաթ Արցախի խորհրդարանում քննարկվելու է Սահմանադրության մեկ հոդվածի փոփոխության հարցը, ինչը հնարավորություն կտա Արայիկ Հարությունյանին տալ հրաժարական, իսկ Ազգային ժողովին շատ կարճ ժամանակահատվածում նոր նախագահ ընտրել: Այդ նախագահը կարող է Հայաստանի ճնշմամբ լինել Սամվել Բաբայանը, իսկ ճնշման բացակայության դեպքում' այլ մեկը, քանի որ Բաբայանի նկատմամբ Արցախի քաղաքական վերնախավում կա խիստ բացասական վերաբերմունք:
Արայիկ Հարությունյանին թվում է, թե արագացնելով սահմանադրական փոփոխությունների գործընթացը և հրաժարական տալով՝ փրկելու է իր կաշին և Արցախի հանձնումը գցի իր հաջորդի գրպանը, բայց աներկբա է այն, որ անգամ հրաժարականը չի մոռացնելու Նիկոլ Փաշինյանի քավորությամբ մեկնարկած և Հարությունյանի կատարմամբ ընթացած և ընթացող այս գործընթացը:
Հարությունյանի հետ ամեն ինչ պարզ է, բայց ինչ է անելու ստեղծված ռազմաքաղաքական բարդ վիճակում Արցախի նախագահի պաշտոնը ստանձնած հաջորդ գործիչը, չէ որ Ադրբեջանի ինտեգրացիոն քաղաքական ճնշումը դրանից չի մեղմանալու, իսկ Փաշինյանն էլ շարունակելու է Արցախը առանց զորք ու զենք պահելու իր խոստումը պահել, ինչի մասին այսօր հայտարարեց ասուլիսի ժամանակ՝ մի քանի անգամ կրկնելով, որ Արցախը ունի Պաշտպանության բանակ, Արցախի անվտանգության երաշխավորն էլ ոչ թե Հայաստանն է, այլ Ռուսաստանը:
Արցախի հաջորդ նախագահը պաշտոնը կստանձնի ծանրագույն մեկնարկային վիճակում, նրա առաջ նույն խնդիրներն են, որոնք հիմա խեղդում են գործող նախագահին, հետևաբար, քանի դեռ խնդիրը Երևանում լուծված չէ, Արայիկ Հարությունյանի փախուստը էլ ավելի է սրելու վիճակը Արցախում:
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
