Գնդակահարություն՝ հայի ձեռքով՝ օրը ցերեկով. պարեկները հետևում են Արսեն Թորոսյանի կոչին

Այսօր օրը ցերեկով Հայաստանում պարեկը գնդաահարել է Հայաստանի քաղաքացու։ Կարող է առաջին հայացքից թվալ, որ մարտաֆիլմի անոնս ենք անում, իսկ բարեփոխված ոստիկաններն էլ ոչ թե մարդու գնդակահարելու համար են, այլ մարդկային կյանքեր փրկելու համար, ինչը նրանց սովորեցնում Եվրամիության կողմից տրված դրամաշնորհների շրջանակում։ Իրականությունը սակայն այն է, ինչը ներկայացրեցինք հոդվածի առաջին տողում։

Այսօր Հրազդան քաղաքի Վանատուր թաղամասի բնակչուհին ոստիկանության Կոտայքի մարզի օպերատիվ կառավարման կենտրոն է զանգահարել և գողության մասին հաղորդում տվել:

Պարեկային ծառայության Կոտայքի գումարտակի ծառայողները մեկնել են ոստիկանության Հրազդանի բաժին:

Տղամարդը կացնով սպառնացել է ոստիկանության ծառայողներին, պարեկներն էլ հարձակումը կանխելու համար գնդակահարել են տղամարդուն։

Ստացվում է, որ պետական բյուջեից միլիարդներ են տրվել պարեկային ծառայությանը, որպեսզի պարեկները հանցագործին վնասազերծելու փոխարեն ուղղակի նրան գնդակահարե՞ն. միթե սա են իրենց սովորեցրել ժողովրդավարացման իրենց դասընթացներում և մի՞թե այսուհետ գնդակահարող պարեկինն իր աչքի առաջ պետք է ունենա ցանկացած օրինախախտ։

Հիշեցնենք, որ դիմահար կրակոցով մարդուն ոչնչացնելու մասին մեկնաբանություն էր գրել Առողջապահության նախկին նախարար Արսեն Թորոսյանը և կոչ արել Կառավարության շենքի բակում «Համմերի» հայտնի վարորդին բռնել չկարողացող պարեկներին ոչնչացնել վարորդին դիմահար կրակոցով։

Ստացվում է, որ Հրազդանի պարեկները գործել են Արսեն Թորոսյանի կոչին համապատասխան։

Հիշեցնենք նաև, որ միայն Երևանում պարեկների աշխատավարձի ֆոնդը կազմում է 4.3 միլիարդ դրամ։ Մեքենաների և սպառազինությունների գծով տրվել է 3,3 մլրդ դրամ։ Շինությունների վերանորոգման, հիմնանորոգման աշխատանքների համար՝ 720 մլն դրամ։

Պարեկները հանդերձավորված են շատ ավելի լավ, քան հայ զինվորները, բայց հայ զինվորները գնդակահարում է հայրենիքի սահմանը հատած թշնամուն, իսկ հայ պարեկը՝ հային։

                                                     NEWSPRESS.am