Ինչ խնդիր է լուծում Փաշինյանը, արմատախիլ անելով Ավինյանին և Թորոսյանին
Շատերին կարող է թվալ, որ Նիկոլ Փաշինյանն այնքան անհանդուրժող է կոռուպցիայի նկատմամբ, որ դրա համար պատժում է անգամ յուրայիններին՝ իր վերարտադրության համար ջանք ու եռանդ չխնայած ՔՊ-ականներին։
Իրականում դրան կարելի էր հավատալ, եթե Փաշինյանը կոռուպցիան արմատախիլ անելու անվան տակ «արմատախիլ» չաներ այն մարդկանց, որոնք ոչ միայն կարող են իրեն չենթարկվել, այլ նաև համարձակություն են ունեցել «Քաղաքացիական պայմանագիր» կուսակցության մեջ խմբավորումներ ձևավորելու, որոնք պատեհ պահին դեմ դուրս կգան Փաշինյանին։
Խոսքն այս դեպքում Առողջապահության նախկին նախարար, հիմա «Քաղաքացիական պայմանագիր» խմբակցության պատգամավոր Արսեն Թորոսյանի մասին է, որը խմբակցության ներսում ունի իր թևը։
Հիմնականում Թորոսյանին հաջողվել է իր շուրջ համախմբել սորոսական շրջանակներին, իսկ ով-ով, բայց Փաշինյանը շատ լավ գիտի, թե ինչերի են ընդունակ սորոսականները։
Փաշինյանը որոշել է մեկ գնդակով երկու նապաստակ խփել՝ նախ խաղից դուրս հանել Արսեն Թորոսյանին, ջլատել նրա շուրջ համախմբվածներին, ապա իրեն դեռ հավատացողներին ցույց տալ, թե այնքան արդարամիտ է, որ կոռուպցիայի դեմ պայքարում չի խնայում ոչ ոքի։
Ամենևին նպատակ չունենալով Արսեն Թորոսյանին արդարացնել և դա թողնելով դատարանի ուսերին՝ կարևոր ենք համարում շեշտել այն, որ եթե վարչապետ Փաշինյանը կոռուպցիայի դեմ ցանկանում է պայքարել, ապա պետք է սկսի իր կնոջ ղեկավարած հիմնադրամից, որին միայն Սամվել Ալեքսանյանի բիզնեսի կողմից արվել է 230 հազար դոլարի նվիրաբերություն, իսկ Սամվել Ալեքսանյանի պես Փաշինյանի կնոջ հիմնադրամին «մուծվող» գործարարները քիչ չեն։
Հաջորդ խնդիրը, որը լուծում է Փաշինյանը, Տիգրան Ավինյանի սանձերը քաշելուն է վերաբերում։
Տիգրան Ավինյանին հարող Երևանի փոխքաղաքապետ Գևորգ Սիմոնյանին չեզոքացնելով՝ Փաշինյանն ատամ է ցույց տալիս Ավինյանին, որը ինքնուրույն իր խաղն է տանում ու թերևս նման չէ փողոցից իշխանության եկած կիսասովածներին, որոնք «նիսյայով» սնվելուց միանգամից արժանացել են շքեզ ռեստորաններ ոտք դնելու բախտին։
Առաջիկայում սպասվում են Երևանի ավագանու ընտրություններ։ Փաշինյանը խնդիր ունի ձգել պահել իշխանության միանձնյա կառավարումը և ձգել Ավինյանի կապերը, որպեսզի իրենից բացի որևէ այլ մեկը չկարողանա դառնալ ինքնուրույն ֆիգուր, ինչի ռեսուրսը՝ ֆինանսական և ոչ միայն, Ավինյանն ունի։
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
