Լավ, հիմա ումի՞ց ենք արդարություն պահանջում՝ թշնամու՞ց, որն առանց գազ ու լուս է թողնում, թե՞ «Արցախ Գազից», որը օգտվում է առիթից ու խաբում սեփական ժողովրդին

ՀՀ Աժ նախկին պատգամավոր Սոֆյա Հովսեփյանը, ով Արցախի շրջափակման մեջ է, ֆեյսբուքյան իր էջում գրում է․

«Արցախ ԳԱԶ» ֊ի տվյալներին հետևելով, չես կարող ապացուցել, որ ամսվա կեսը գազ չես ունեցել և ամեն օր նվազագույնը վեց ժամ չես ունենում նաև լույս, որի հետևանքով, եթե անգամ գազը կա, միևնույն է տան ջեռուցում չկա։

Ամենասարսափելին էն է, որ բոլորը փաստում անտանելի թվերի մասին, բայց լուռ ու մունջ վճարում են, որ չանջատեն։

Լավ, ես համաձայն եմ անջատեք իմ գազը ու ես մենակ կլինեմ էլի պայքարի մեջ, սովոր եմ...

Լավ, հիմա ումի՞ց ենք արդարություն պահանջում, թշնամու՞ց, որը օրերով Արցախը առանց գազի ու լուսի է թողնում, թե նաև պետք է պահանջենք «Արցախ Գազից», որը օգտվում է առիթից ու խաբում սեփական ժողովրդին ու մի հատ էլ վախեցնում անջատումով։

Մարդ են գտել վախեցնելու...»