Էդմոն Մարուքյան. Հայաստանը և Արցախը վարի տվողների լափամանից լափողը

Իր քաղաքական գործունեության ողջ ընթացքում Նիկոլ Փաշինյանի գրպանային գործչի համբավից այդպես էլ չձերբազատված, Փաշինյանին 2020 թվականի նոյեմբերի 9-ից հետո կապիտուլյանտ անվանած Էդմոն Մարուքյանը, երբ դարձավ Հատուկ հանձնարարություններով դեսպան, հրաժարվեց ինչպես նախկինում ասածներից, այնպես էլ իրեն ենթակա «Լուսավոր Հայաստան» կուսակցության նախընտրական խոստումներից։

Գրպանային ընդդիմադիր Մարուքյանը դարձավ Նիկոլ Փաշինյանից էլ ավելի «փաշինյան»:

Սկսեց օգնել Փաշինյանին Արցախն Ադրբեջան դաձնելու հարցում։

Հատուկ հանձնարարություններով դեսպանի պաշտոնը ստանալուց հետո, ոչ միայն իր, այլ նաև իր կուսակցության անդամների բարեկեցությունն ապահոված Մարուքյանը պատրաստ է ոչ միայն Արցախն Ադրբեջան դարձնել ստացած փողի, իրենից էլ ավելի «էդմոն» դարձած Դավիթ Խաժակյանին Երևանի փոխքաղաքապետ դարձնելու դիմաց, այլ նաև հիմա բացահայտ խոսում է Հայաստանին սպառնացող պատերազմի մասին։

Նա պարզ ասում է, որ իրենք, որպես իշխանություն, ոչինչ անել չեն կարող, անկարողունակ են, իսկ հայ ժողովուրդը պատերազմի դեպքում իրենց հետ հույս չպետք է կապի։

Էդմոն Մարուքյանին նետել են քարոզչական հարթակ, որ Հայաստանում ապրողներին գուժի սպասվող պատերազմի մասին։

«Ադրբեջանը նոր պատերազմի սպառնալիք հնչեցրեց։ Կգնա նոր էսկալացիայի, եթե միջազգային ռեակցիան թույլ լինի»,- իր հարցազրույցներից մեկում ասել է Մարուքյանը։

Լինելով Հայաստանում պաշտոնյա՝ այդ պատերազմը կանխելու պարտավորությունը Մարուքյանն ուղղակիորեն դնում է միջազգային հանրության վրա։

Մարուքյանը դրանով չի բավարարվում, ավելի հեռուն է գնում ու շարունակում է, որ եթե Ադրբեջանը պատերազմ սկսի, այդ դեպքում ո՞ւմ է պետք լինելու այդ նույն միջազգային հանրությանը։

Էդմոն Մարուքյանը հայտարարում է, որ ինքը, որպես պաշտոնյա, պետք է ներկայանա և հարցազրույցներ տա ընդամենը, իսկ գործ պետք է անեն ուրիշները։

Եթե կա պատերազմի սպառնալիք Հայաստանի դեմ, դա պետք է կանխեն, ոչ թե Հայաստանի պաշտոնյաները, այլ հավաքական անհասցե միջազգային հանրությունը՝ ասել է, թե ոչ ոք։

Էդմոն Մարուքյանին լսելուց թվում է, որ Հայաստանում ապրողներս ոչ թե ՀՀ քաղաքացի ենք, այլ մի ամորֆ միջազգային հանրության։

Մարուքյանը հայտարարում է որպես իշխանություն իրենց անկարողունակության մասին և դրանով իրենց ընտրածներին կանգնեցնում փաստի առաջ, որովհետև անգամ ամենավերջին անուղեղին էլ պարզ է, որ լրջանալու պահն է։ Այսպես երկրը վարի տալ չի կարելի։

Հայաստանի և Արցախի անվտանգությունը ջլատած իշխանության ներկայացուցիչ Մարուքյանը նաև հասցրեց նախկիններին մեղադրել Հայաստանի պետականության իմունիտետը լափելու մեջ՝ լինելով Հայաստանի և Արցախի անվտանգությունը լափածների լափամանից սնվողներից մեկը։

NEWSPRESS.am