Գագիկ Մելքոնյան. Ալիևի հարգանքին արժանի հայ պատգամավորը

Նիկոլ Փաշինյանը Պրահայում համաձայնություն է տվել Արցախն ամբողջությամբ Ադրբեջանի կազմում թողնելու ադրբեջանական պահանջներին։

Պրահայից հետո ամբողջ իշխանությունը լծվել է Արցախի հանձնումը փաթեթավորելու մի գործընթացի, ինչի համար առաջին անհրաժեշտ պայման պետք է դառնա ռուս խաղաղապահների հեռացումը Արցախից, որքան արագ, այնքան լավ Նիկոլ Փաշինյանի համար։

Ինչ է պետք անի Հայաստանի իշխանությունն այս դեպքում՝ պետք է քարոզչական դաշտում հնարավորինս շատ լուտանքներ տեղա Արցախում տեղակայված 2000 ռուս խաղաղապահների հասցեին՝ նրանց Արցախից հեռացնելու և այն ամբողջությամբ Ադրբեջանին հանձնելու համար։

Այս կիրակի առավոտյան Արցախում Ադրբեջանի սադրած ահաբեկչական գործողություններից հետո Արցախում հասարակական սեկտորի ներկայացուցիչները բողոքի ցույցեր են պլանավորում խաղաղապահների զորամիավորման կենտրոնի առջև։
Ժամանակին «Բաց հասարակություն Հիմնադրամներ-Հայաստան»-ից սնված ՀԿ-ականների պահանջը մեկն է՝ հասնել խաղաղապահների հրամանատար Անդրեյ Վոլկովի հրաժարականին։

Հասարակական սեկտորի ներկայացուցիչները պահանջում են խաղաղապահների ղեկավարի հրաժարականը այն պայմաններում, երբ Ադրբեջանը ահաբեկչություն է իրականացրել Ստեփանակերտից ընդամենը 3.5 կմ հեռավորության վրա։
Թե ինչ կլինի, եթե խաղաղապահները Արցախից հեռանան և իրենց հետ տանեն այն զիտնեխնիկան, որը կուտակված է Արցախում, Սորոսի հիմնադրամից գրանտներ ստացածներին չի հետաքրքրում։

Ուշադրության է արժանի այն հանգամանքը, որ Արցախում ռուս խաղաղապահների ղեկավարի հրաժարականի պահանջին միացել են նաև »Քաղաքացիական պայմանագիր» կուսակցության պատգամավորները և Արցախը Ադրբեջանի կազմում թողնելու համար իշխանությանը համապատասխան ծառայություններ մատուցող իշխանական ԶԼՄ-ները։

Իր սիրելի լրատվականներից մեկի հետ զրույցում նախկիններին թալանի մեջ մեղադրող, բայց նախկինների ժամանակ բանակում թիկունքի պետ եղած և իր ու իր որդիների համար հսկայական կարողություններ դիզած Գագիկ Մելքոնյանը, որպես արտաքին քաղաքականության գուրու, ասել է. «Լավրովի՝ Բաքու այցից հետո Ղարաբաղում հարձակում սկսեց»։

Մելքոնյանը, որի կարդացվածության մակարդակը հազիվ հերիքում է մի քանի հայերեն հոդաբաշխ և իմաստավորված միտք արտահայտելու համար, հանդես է գալիս Բաքու-Մոսկվա արտաքին քաղաքականության հարցերի գիտակ՝ փոխարենը մոռանալով, որ Մյունխենում Փաշինյան-Ալիևը խայտառակ դեբատից հետո է սկսել Ալիևը դարձել էլ ավելի սանձարձակ:

Արցախն առանց ռուս խաղաղապահների տեսնելու Գագիկ Մելքոնյանի նպատակը մեկին մեկ համընկնում է թուրքական և ադրբեջանական ծրագրերի հետ, ստացվում է, որ գործ ունենք Հայաստանի ներսում թուրքական 5-րդ շարասյան ներկայացուցիչների հետ, որոնք թեև կրում են յան վերջածանցով ազգանուն, բայց հանդիսանում են Հայաստանում թուրքաքական և ադրբեջանական շահերից բխող քաղաքական գործիչ։

                                                 NEWSPRESS.am