Առերես ասացին՝ այո՛, կանենք, գրավոր՝ չպատասխանեցին, ծրագիրը լուծարվեց` ի՞նչ ժողովրդավարություն. գերմանահայը` 44-օրյայի վիրավոր զինվորների ուսուցման ծրագրի մասին

Նիկոլ Փաշինյանը Գերմանիայի Դաշնային Հանրապետություն կատարած աշխատանքային այցն ավարտել է տեղի հայ համայնքի ներկայացուցիչների հետ հանդիպմամբ: 

Հարց ուղղելով Փաշինյանին՝ հայ համայնքի ներկայացուցիչ Միքայել Մինասյանը նշեց, որ 2020 թվականի 44-օրյա պատերազմի ժամանակ և դրանից հետո Գերմանիայից հետո իրենց ասոցացիան կոորդինացրել է աջակցության ամենամեծ չափաբաժինը։ 

Նա նշեց, որ այդ բեռների կարիքը թեև հրատապ էր, սակայն դրանք Գերմանիայից դուրս գալուց հետո մաքսային խնդիրների առաջ են կանգնել, որը տևել է 7-8 ամիս։

Նա նաև առաջ քաշեց վիրավոր և հաշմանդամ զինվորների ուսուցման հարցը։ Միքայել Մինասյանը նկատեց, որ պիլոտային ծրագրով արդեն իրենց հաջողվել է կրթել հաշմանդամություն ստացած զինվորների, սակայն ցանկանում են ծրագիրը շարունակական դարձնել, ինչը պետական ոչ մի տիպի աջակցություն չի ստանում։

«Առերես ասացին՝ այո՛, կանենք, իսկ գրավոր պատասխան չկա, ծրագիրը լուծարվեց»,–ասաց Միքայել Մինասյանը։ 

Նա նաև նշեց, որ այլ ծրագրի շրջանակում էլ Հոնկոնգից ներդրող են բերել, որի ներդրումների ժամանակ խնդիրներ առաջացան։

«6 ամիս է՝ չեմ կարողանում հաշիվ բացել, ինչ ժողովրդավարության մասին է խոսքը»,–ասաց նա։

Մանրամասները` տեսանյութում