Շորբուլախի աղբանոցի աշխատողները «նալոգ» են տալիս «Խուճուճ էդոյի» հովանավորյալներին. (տեսանյութ)

Էրեբունի վարչական տարածքի Մուշավան, նախկին Շորբուլախ գյուղից մոտ 10 կմ հեռավորության վրա գտնվող աղբանոցի գարշահոտությունը, հատկապես տաք եղանակներին, թույլ չի տալիս մուշավանցիներին պատուհան բացել կամ փողոց դուրս գալ: Հիվանդություններն այս գյուղը դեռ չեն գրոհել, սակայն բնակիչները վստահեցնում են, որ աղբից տարանջատվող գարշահոտ ու կեղտոտ ջրագոյացությունները հոսում են հենց գյուղի կողքով ու հատկապես օգոստոսին, գյուղում անհնար է լինում հանգիստ շնչել, ինչն արդեն իսկ վարակի համար լուրջ նախադրյալ է:

Կոտայքի մարզի Ջրվեժ համայնքի վարչական տարածքում գործող աղբանոցն ավելի քան 10 տարվա պատմություն ունի: Այն անհանգստացնում է ոչ միայն Մուշավանի, այլև Ջրվեժ գյուղի ու Նոր նորքի բնակիչներին: Վերջինից աղբանոցը գտնվում է 3 կմ հեռավորության վրա: Թեև համայնքային աղբանոցները, ըստ սահմանված չափագրման, բնակավայրից պետք է 20 կմ հեռու լինեն, բայց փաստորեն այս նորմը խախտվել է:

Ջրվեժի գյուղապետ Ռոբերտ Պետրոսյանը մեր հետ զրույցում հայտնեց, որ աղբանոցը գյուղապետարանի ենթակայության տակ չի գործում: Այն վարձակալել է Նոր Նորքի սանիտարական մաքրման ծառայության «Վիներոն» ՍՊԸ տնօրեն Վաղինակ Հովհաննիսյանը: Ու արդեն պարզ է, թե ինչու սանէպիդկայանի ստուգայցից հետո վտանգավոր ոչինչ չի հայտաբերվել ու վիճակը բավարար է գնահատվել օղու և հյութի տարատեսակ շշեր ու հանձնում ընդունման համապատասխան կետերին: Այդտեղից էլ շշերը հայտնվում են նորից խանութներում արդեն համապատասխան պարունակությամբ, ու դրվում մեզնից յուրաքանչյուրի սեղանին: Աղբանոցը պարզվում է Վաղինակ Հովհաննիսյանի բիզնեսն է: Շրջանառվող լուրերի համաձայն էլ նրան հովանավորում է Էդուարդ Մադաթյանն, ով հայտնի է «Խուճուճ Էդո» մականվամբ:

Վաղինակ Հովհաննիսյանի հետ կապ հաստատել չհաջողվեց, սակայն նրա, այսպես կոչված, աշխատողներն ասացին, որ նա ամեն օր գալիս է աղբանոց ու իր տրակտորով աղբի նոր շերտ է բացում տղաների համար: Նրանց խոսքով` իրենք օրական 2-3 հազար դրամ եկամուտ ունեն: Թե որքան են տալիս Վաղինակին`չասացին, սակայն պարզվեց, որ նրանք «նալոգ» են տալիս նաև ոմն Արթուր անունով հաստափոր երիտասարդին, ով, իր իսկ ասելով հսկում էր, որ տղաներին նեղացնող չլինի: Այն ինչ աղբանոցում նրանցից բացի ոչ-ոք չկար:

Ասել է թե, աղբանոցում Վաղինակն ու Արթուրը գերիշխող դիրք են զբաղեցնում:

Մանրամասները` տեսանյութում